पुणे: पुणे जिल्हयातील सर्व सहकारी संस्थेने प्रत्येक आर्थिेक वर्षामध्ये संस्थेचे लेखापरीक्षण जुलै अखेर पुर्ण करून सप्टेंबर पर्यंत होणाऱ्या वार्षिक सभेत सदर अहवालाचे वाचन करून मान्यता घ्यावी.
याप्रमाणे जिल्हयातील ग्रामिण व शहरी कार्यक्षेत्रातील जिल्हा विशेष लेखापरीक्षक सहाकारी संस्था पुणे तसेच जिल्हा उपनिबंधक सहकारी संस्था (ग्रामिण) व शहर पुणे कार्यालयाव्दारे विनंती करण्यात येते की संस्थेने ठरावाव्दारे व परंतूकाव्दारे निर्गमित केलेल्या आदेशातील लेखापरीक्षणाकडून दिनांक 31 जुलै पर्यंत लेखापरीक्षण पुर्ण करावयाची कार्यवाही पूर्ण करावी. तसेच याच निवेदनाव्दारे प्रमाणित व सनदी लेखापालांनी ठरावाव्दारे व परंतूकाव्दारे लेखापरीक्षण पूर्ण करून त्वरीत अहवाल आदेशात नमुद केल्याप्रमाणे संबंधित कार्यालयास सादर करावेत व विहित मुदतीत लेखापरीक्षण न केल्यास कायदेशीर कारवाईस पात्र व्हाल याची नोंद घ्यावी.
