पर्वती मतदारसंघ झोपडपट्टी मुक्त करणार –अभय छाजेड

पुणे-पर्वती मतदार संघ हा झोपडपट्टी मुक्त करण्यासाठी आपले प्रथम प्राधान्य असेल असे सांगून झोपडपट्टी पुनर्वसन योजनेद्वारे (एसआरए) आहे त्याच जागेवर झोपडपट्टी धारकांना त्यांच्या मालकीची पक्की घरे मिळवून देवू असा निर्धार पर्वती विधानसभा मतदार संघाचे कॉंग्रेस-पीपल्स रिपब्लिकन पार्टी कवाडे गटाचे उमेदवार अॅड. अभय छाजेड यांनी व्यक्त केला.
छाजेड यांनी गुरुवारी सकाळी सिंहगड रस्त्यावरील पु. ल. देशपांडे उद्यानाला भेट देवून फिरण्यासाठी येणाऱ्या नागरिकांच्या गाठीभेटी घेतल्या व त्यांना मतदान करण्याचे आवाहन केले. तसेच त्या भागातील नवश्या मारुती येथील झोपडपट्टी, शाहीर अण्णा भाऊ साठे झोपडपट्टी येथेही घराघरात जावून मतदारांच्या भेटी घेतल्या, त्यांचे प्रश्न समजावून घेवून त्यांच्याशी चर्चा केली. त्यांच्यासमवेत माजी उपमहापौर प्रसन्ना जगताप, शंकर पवार, हरिदास चरवड, आबा जगताप आदी उपस्थित होते. झोपडपट्टी धारकांचे आहे त्याच जागेवर पुनर्वसन करण्यासाठी आपण कटीबद्ध आहोत असे त्यांनी यावेळी सांगितले. पर्वती मतदारसंघ हा पर्वती टेकडीच्या नावाने असून पर्यावरणाचे महत्व लक्षात घेवून ही टेकडी हिरवीगार करण्यासाठी तसेच तिच्या विकासासाठी आपण प्रयत्न करणार असल्याचेही छाजेड यांनी नमूद केले.
बुधवारी संध्याकाळी छाजेड यांनी एस. टी. कॉलनी, स,नं. ३५ व ३८, बालवीर चौक, गोलघर, जवाहर मित्र मंडळ, लक्ष्मीनारायण चित्रपट गृहामागील बाजू, राहाटीची विहीर, आदर्श मित्र मंडळ, प्रियदर्शनी चौक, सदाबहार चौक, लोकमान्य हाउसिंग सोसायटी, पर्वती दर्शन, वेलणकर नगर असा मार्गक्रमण करीत मॅरेथॉन भवन येथे समाप्त झाली. छाजेड यांच्या समवेत दीपक ओव्हाळ, मामा परदेशी, सादिक कुरेशी, दीपक घोलप, बेबी नाझ खान, कांबळे ताई, सुरेखा भोसले, मिसाळ गुरुजी आदी शेकडो कार्यकर्ते व महिला सहभागी झाले होते.
कोपरा सभांना उत्स्फूर्त प्रतिसाद
अभय छाजेड यांनी विविध माध्यमातून मतदारांशी संपर्क सुरु केला असून कोपरा सभांच्या माध्यमातून युपीएच्या काळात केंद्र व राज्य सरकारने केलेल्या कामांचा व घेतलेल्या निर्णयांची माहिती मतदारांपर्यंत पोहचवली जात आहे. बुधवारी संध्याकाळी तळजाई लुंकड गेट, दाते स्टॉप व संत नगर, पद्मावती येथे कोपरा सभा घेण्यात आल्या. मुकेश धीवार, जयराम भोसले, निलेश खंडाळे, महेश वाबळे, प्रकाश आरणे, अमित बागुल यांनी या कोपरा सभा घेतल्या.