अहमदनगर- संभाजी ब्रिगेडच्या कार्यकर्त्यांनी आज (मंगळवार) गृहराज्यमंत्री राम शिंदे यांच्या कार्यालयाची तोडफोड केल्याची घटना येथे घडली आहे. बाबासाहेब पुरंदरे यांना जाहीर झालेल्या ‘महाराष्ट्र भूषण‘ पुरस्काराला संभाजी ब्रिगेडने विरोध केला आहे.
मिळालेल्या माहितीनुसार, संभाजी ब्रिगेडच्या कार्यकर्त्यांनी गृहराज्यमंत्री राम शिंदे यांच्या कार्यालयाच्या काचा फोडल्या. रस्त्यावर पुरंदरेंना जाहीर झालेल्या पुरस्कार विरोधात घोषणाबाजी केली. शिवाय, सोबत आणलेली पत्रके तेथे टाकली.