पुणे- सरदार वल्लभभाई पटेल यांची 31 ऑक्टोबर रोजी जयंती आहे. हा दिवस राष्ट्रीय एकता दिन म्हणून तसेच इंदिरा गांधी पुण्यतिथी व राष्ट्रीय संकल्प दिवस म्हणून साजरा करण्यात येणार आहे. त्याअनुषंगाने 31 ऑक्टोबर रोजी सकाळी 8 वाजता एकता दौड कार्यक्रम विभागीय आयुक्त यांच्या अध्यक्षतेखाली व जिल्हाधिकारी पुणे यांच्या उपस्थितीत विधानभवन, पुणे येथे आयोजित करण्यात आला आहे, अशी माहिती निवासी उपजिल्हाधिकारी डॉ.जयश्री कटारे यांनी दिली आहे.
या कार्यक्रमाची रुपरेषा पुढीलप्रमाणे- सरदार वल्लभभाई पटेल व इंदिरा गांधी यांच्या प्रतिमेस पुष्पहार अर्पण करणे व राष्ट्रीय एकता दिवस शपथ घेणे 31 ऑक्टोबर रोजी सकाळी 7.30 वाजता उपस्थिती, एकता दौड प्रारंभ स्थळ – विभागीय आयुक्त कार्यालय, विधानभवन, पुणे, एकता दौड प्रारंभ सकाळी 8.05 वाजता, एकता दौड मार्ग- विधानभवन-फर्स्ट चर्च रोड- साधु वासवानी चौक-अलंकार टॉकीज-जनरल वैदय मार्ग-विधानभवन परिसर असा आहे.
वैरण पिकांचे बियाणे व खते वितरण योजनेकरीता पशुपालक शेतकऱ्यांनी अर्ज करावेत
सन २०१८-१९ या वर्षात राज्यात सरासरी पेक्षा कमी पर्जन्यमान झाले असून पुणे जिल्ह्यातील १० तालुक्यांमध्ये आंबेगाव, बारामती, भोर,दौंड, हवेली, इंदापूर,मुळशी, पुरंदर, शिरुर आणि वेल्हे चारा टंचाईची परिस्थिती उद्भवण्याची शक्यता आहे. दुष्काळ सदृष्य परिस्थितीमध्ये वैरण पिकांचे बियाणे व खते वितरण ही योजना पशुसंवर्धन खात्यामार्फत १०० टक्के अनुदानावर पुणे जिल्ह्यात राबविण्यात येत आहे.
सदर योजनेकरिता पुणे जिल्ह्यासाठी एकूण रक्कम रु. ७० लाख इतक्या रकमेस शासनाने प्रशासकीय मान्यता प्रदान केलेली आहे. चारा टंचाईग्रस्त तालुक्यातील ज्या पशुपालक/शेतकरी यांच्याकडे किमान १० गुंठे जमीन उपलब्ध आहे. तसेच सिंचनसुविधा उपलब्ध आहे. त्यांना १०० टक्के अनुदानावर वैरण बियाणे व खते प्रती १० गुंठे रक्कम व ४६०/- च्या मर्यादेत अनुदान अनुज्ञेय असेल.
सदर योजनेचे अर्ज स्विकारण्याचा कालावधी २९ ऑक्टोबर ते १२ नोव्हेंबर २०१८ असा आहे. या योजनेचा लाभ घेण्यासाठी पशुपालक /शेतकरी यांनी नजीकच्या पशुवैद्यकीय दवाखाना किंवा पंचायत समिती येथे संपर्क साधावा असे आवाहन जिल्हा पशुसंवर्धन उपआयुक्त कार्यालय खडकी पुणे-3 यांचेमार्फत करण्यात येत आहे. अधिक माहितीसाठी पशुसंवर्धन खात्याचा टोलफ्री क्र. १८००२३३०४१८ ह्यावर संपर्क साधावा.