पुणे-राष्ट्रवादी कॉंग्रेस पार्टीच्या अर्बन सेलची स्थापना खा. वंदना चव्हाण यांच्या पुढाकाराने व मुख्य मार्गदर्शनाखाली झाली
आहे. काल बुधवार दि. ०९ जानेवारी २०१९ रोजी प्रदेशाध्यक्ष श्री. जयंत पाटील यांच्या प्रमुख उपस्थितीत सेलची
पहिली बैठक मुंबई प्रदेश कार्यालय येथे पार पडली. या बैठकीस आ. हेमंत टकले, आ. विद्या चव्हाण, ठाणे शहराध्यक्ष श्री.
आनंद परांजपे, पक्षाचे सरचिटणीस श्री. शिवाजीराव गर्जे आणि शहरी भागातील पदाधिकारी व कार्यकर्ते उपस्थित होते.
सदर बैठकीत राष्ट्रवादी कॉंग्रेस पार्टीच्या वतीने शहरी (नागरी) भागातील प्रश्न, समस्या सोडविण्याच्या दृष्टीने
नियोजनबद्ध आरखडा तयार करण्याचे प्रस्तावित करण्यात आले. आगामी काळात अर्बन सेलचे सदस्य महाराष्ट्रातील
शहरी भांगात जाऊन स्थानिक महापालिका क्षेत्रांतील नागरी समस्यांचा आढावा घेतील व त्यासोबत विशेष तज्ञांच्या
मदतीने हा प्रस्तावित आराखडा तयार करतील अशी माहिती या सेल च्या अध्यक्ष व खासदार वंदना चव्हाण यांनी दिली.
वंदना चव्हाण यांच्या अध्यक्षतेखाली येत्या १५ दिवसांत २७ महापालिकांच्या अभ्यास दौऱ्याचे आयोजन करण्यात आले
आहे, या दौर्यादरम्यान नागरी समस्या व तेथील नाविन्यपूर्ण प्रकल्पांचा अभ्यास अर्बन सेलचे सदस्य करणार आहेत. या
संदर्भातील नियोजनासाठी येत्या शनिवारी १२ जानेवारी २०१८ रोजी मुंबई येथे पक्ष कार्यालयात महाराष्ट्रातील पक्षाचे
शहराध्यक्ष, महानगरपालिकेतील गटनेते, प्रमुख पदाधिकारी यांची बैठक प्रदेशाध्यक्ष श्री. जयंत पाटील यांच्या प्रमुख
उपस्थितीत आयोजित करण्यात आली आहे.
नव्याने स्थापन करण्यात आलेल्या राष्ट्रवादी कॉंग्रेस पार्टीचा अर्बन सेल शहरी-नागरी जीवनमान सुधरण्याच्या दृष्टीने
प्रयत्नशील असल्याचे चव्हाण यांनी सांगितले.
स्थानिक पातळीवर किमान १० सदस्यांचा कृती गट तयार करण्याचे निश्चित करण्यात आले असून यात पक्षाचे आजी-
माजी नगरसेवक, पराभूत उमेदवार, सक्रीय कार्यकर्ते व विधानसभा मतदारसंघ अध्यक्ष यांचा यात समावेश असेल.