पुणे : लंडन येथील वर्ल्ड बुक ऑफ रेकॉर्ड्स या संस्थेच्या वतीने पुण्यातील उद्योजक डॉ. जितेंद्र जोशी यांचा सामाजिक व आर्थिक क्षेत्रातील उल्लेखनीय योगदानाबद्दल ‘नॅशनल एक्सलन्स’ पुरस्कराने गौरविण्यात आले. नुकत्याच इंदोर येथे झालेल्या कार्यक्रमात नेपाळच्या फेडरेशन ऑफ नेपालीज चेंबर ऑफ कॉमर्स अँड इंडस्ट्रीजचे अध्यक्षा भवानी राणा, महाराज एच. एच. नरेंद्र सिंह, वर्ल्ड बुक ऑफ रेकॉर्ड्सचे संस्थापक डॉ. दिवाकर सुकूल आदी उपस्थित होते. डॉ. जोशी अभि ग्रुप ऑफ कंपनीजच्या माध्यमातून उद्योग क्षेत्रात, तर अभि चॅरिटेबल फाउंडेशनच्या माध्यमातून सामाजिक क्षेत्रात योगदान देत आहेत. लॉजिस्टिक, मनोरंजन, बांधकाम, माध्यम, आरोग्य आदी क्षेत्रात डॉ. जितेंद्र जोशी काम करीत असून, त्यांच्या कंपन्या भारतासह ऑस्ट्रेलिया, अमेरिका, युरोप, मध्य-पूर्व देशांमध्ये सेवा पुरवित आहेत. या गौरवाबद्दल डॉ. जितेंद्र जोशी यांनी आनंद व्यक्त केला असून, आणखी जोमाने काम करण्याची प्रेरणा मिळाली असल्याचे म्हटले आहे.