झी युवा वाहिनीवर ‘एक घर मंतरलेलं’ ही थरारक मालिका नुकतीच प्रेक्षकांच्या भेटीला आली आहे. या मालिकेत सुरुची अडारकर गार्गी महाजन ह्या पत्रकाराची भूमिका निभावत आहे. आता यामालिकेत सुयश टिळकची एंट्री झाली आहे . सुयश आणि सुरुची या दोघांची लोकप्रिय जोडी पुन्हा एकदा छोटा पडदा गाजवायला सज्ज झाली आहे. सुयश सोबत या मालिकेबद्दल आणि त्यातील त्याच्याव्यक्तिरेखेबद्दल साधलेला हा खास संवाद
१. ‘एक घर मंतरलेलं’ या मालिकेतील तुझ्या भूमिकेविषयी काय वाटतं?
– एक घर मंतरलेलं या मालिकेत मी साकारत असलेला क्षितिज निंबाळकर, हा एक अत्यंत शिस्तप्रिय व व्यावहारिक माणूस आहे. तो एक रिअल इस्टेट एजंट आहे. दुर्मिळ वस्तू गोळा करायचा त्यालाछंद जडलेला आहे. दुर्मिळ वस्तूंचा संग्रह करून, त्यांचा इतिहास जाणून घेण्याची क्षितिजला आवड आहे.
२. ही भूमिका स्वीकारावी असं तुला नेमकं का वाटलं?
– ‘झी युवा’ वाहिनी आणि आयरिस प्रोडक्शन यांच्याविषयी मुळातच मला एक आपुलकी आहे. शिवाय, क्षितिजचं पात्र, मला फारच आवडलं. क्षितिजचा स्वभाव, त्याचं वागणंबोलणं या गोष्टी व माझ्यास्वतःच्या सवयी बऱ्याचशा मिळत्याजुळत्या आहेत. ‘एक घर मंतरलेलं’ मधील ही भूमिका स्विकारण्यामागे हेदेखील एक महत्त्वाचं कारण होतं.
३. सुरुची अडारकर सोबत तू पुन्हा एकदा काम करत आहेस. तुम्हा दोघांच्या ऑनस्क्रीन व ऑफस्क्रीन केमिस्ट्रीविषयी काय सांगशील?
– गेल्या अनेक वर्षांपासून आमची छान मैत्री आहे. त्यामुळेच, ऑनस्क्रीन काम करणं फार सोपं जातं. याआधी दोनवेळा एकत्र काम करत असतांना, जसं सगळ्यांचं प्रेम मिळालं, तसंच याहीवेळी मिळेलयाची खात्री वाटते. प्रेक्षकांच्या आशीर्वादाने, ‘झी युवा’वरील ‘एक घर मंतरलेलं’ ही मालिकादेखील आम्ही यशस्वी करू पाच वर्षांनंतर सुरुचीसोबत पुन्हा काम करायला मिळत असल्याचा आनंद आहेच.
४. ‘एक घर मंतरलेलं’ ही मालिका, रोमांचक आणि थरारपूर्ण अशी आहे. अशा प्रकारच्या मालिकेत काम करत असताना कसं वाटतं?
– मालिका आणि चित्रपटांतील थरार पाहायला मला फार आवडतं. त्यामुळे, अशा धाटणीचं काम करण्याची माझी नेहमीच इच्छा होती. मनासारखी भूमिका करत असल्याने खूप मजा येतेय. ही मालिकाअधिकाधिक रंजक व्हावी यासाठी दिग्दर्शक अमोल पाठारे व संपूर्ण टीम अतिशय मेहनत घेत आहे. त्यामुळेच काम करण्याचा आनंद अधिक आहे.
५. या निराळ्या भूमिकेविषयी तुझ्या चाहत्यांकडून काय प्रतिक्रिया येत आहेत?
इतर भूमिकांप्रमाणेच माझी ही भूमिका सुद्धा प्रेक्षकांना आवडली आहे. आठवड्याभराच्या कालावधीतच ही मालिका लोकप्रिय ठरली, याचा आनंद आहे. चाहत्यांकडून मिळणारं प्रेम, ही आमच्या पोचपावती ठरते. पुढे काय होणार याविषयीची प्रेक्षकांची उत्सुकता, त्यांना पडणारे प्रश्न यातून आम्हाला ती पोचपावती मिळाली. सगळ्यांना मी एवढंच सांगेन, की मालिकेतील थरार आणि रहस्य जाणूनघेण्यासाठी, सोमवार ते शनिवार रात्री ९.३० वाजता, ‘झी युवा’वर ‘एक घर मंतरलेलं’ ही मालिका पाहायला विसरू नका.
