आंतरराष्ट्रीय रोमिंग आता आणखी व्यापक आणि भव्य झाले आहे! भारतातील एक आघाडीची दूरसंचार सेवा असलेल्या
व्होडाफोन इंडियाने आज युरोपात प्रवास करणा-या प्रवाशांसाठी प्रथमच, चिंतामुक्त, अमर्याद आंतरराष्ट्रीय रोमिंग
सुविधा देणारी व्होडाफोन आय-रोमफ्री ही आंतरराष्ट्रीय रोमिंग योजना सुरू केली.
प्रवास व्यावसायिक कारणांसाठी असो, वा केवळ सहलीचा आनंद लुटण्यासाठी, आंतरराष्ट्रीय प्रवाशांना आपला पॅक
एक्टिव्हेट करून आपला क्रमांक यूके, जर्मनी, स्पेन, इटली, नेदरलँड्स, तुर्की, ग्रीस, पोर्तुगाल, झेक रिपब्लिक, रुमानिया,
हंगेरी, माल्टा आणि अल्बानिया येथे वापरता येईल.
युरोपव्यतिरिक्त प्रवाशांना अमेरिका, संयुक्त अरब अमिराती, सिंगापूर आणि मलेशिया या देशांतही या योजनेद्वारे
अमर्याद कॉलिंग आणि डेटा वापरता येईल. एकूण 18 देशांत या योजनेचा लाभ घेणे शक्य आहे. ही योजना 28
दिवसांसाठी 5000 रुपये (म्हणजे 180 रुपये प्रतिदिन) ते प्रत्येक 24 तासांच्या वापरासाठी 500 रुपये अशा विविध
किंमत स्तरांमध्ये उपलब्ध आहे. प्रीपेड आणि पोस्टपेड ग्राहकांना माय व्होडाफोन एपवरून किंवा वेबसाइटवरून
(www.vodafone.in/ir) ही योजना एक्टिव्हेट करता येऊ शकेल.
व्होडाफोन इंडियाच्या ग्राहक व्यवसाय विभागाचे सहयोगी संचालक अवनीश खोसला म्हणाले, ‘आम्ही अमेरिका,
सिंगापूर आणि संयुक्त अरब अमिरातीसाठी एप्रिलमध्ये आमची ही अमर्याद आंतरराष्ट्रीय रोमिंग योजना सुरू केली आणि
आता ती आणखी काही देशांसाठी लागू करण्यास आम्हांस आनंद होत आहे. युरोप, अमेरिका, संयुक्त अरब अमिरात आणि
मलेशिया या ठिकाणी जाण्याचे आमच्या आंतरराष्ट्रीय प्रवासी ग्राहकांचे प्रमाण 50 टक्क्यांहून अधिक आहे. आता कॉल
आणि डेटा विनामूल्य झाल्याने, प्रवाशांना तेथे जाताना तेथील स्थानिक सिमकार्ड नेण्याची किंवा सार्वजनिक वाय-फाय
सुविधा शोधत हिंडण्याची गरज नाही. ग्राहकांना आपल्या नेहमीच्या व्होडाफोन क्रमांकावरून आंतरराष्ट्रीय रोमिंगच्या
बिलाची चिंता न करता छायाचित्रे आणि व्हिडिओ सहजपणे अपलोड करणे, नकाशा पाहणे, ई-मेल तपासणे आणि
घरच्यांशी संपर्कात राहणे शक्य होणार आहे. प्रवास करताना ते निश्चिंतपणे संपर्कात राहू शकतील आणि त्यांना सर्वोत्तम
व्हॉइस आणि डेटा सेवा मिळेल.’
जगभरातील 18 देशांत अमर्याद वापराची सुविधा देण्याबरोबरच याच पॅकमध्ये ग्राहकांना त्यांना त्यांचा फोन 42 इतर
देशांतही मुक्तपणे वापरता येईल. या पॅकमध्ये व्होडाफोनने नुकताच जपान, कतार, स्वीडन, डेन्मार्क, नॉर्वे, इजिप्त या
देशांचाही समावेश केला आहे. या सर्व देशांत ग्राहकांना इनकमिंग कॉल विनामूल्य मिळतील आणि एक रुपया प्रतिमिनिट
या दराने कॉल करता येतील, तर एक रुपया प्रतिएमबी या दराने डेटा वापरता येईल.
