वसंत मोरे,म्हणाले,’असे करतो पत्रकारांच्याच पक्षात येतो’

वसंत मोरे आणि मनसे कोअर कमिटी यांच्यातील मतभेद जाणून घेण्यासाठी अमित ठाकरेंचा पुढाकार

वसंत मोरेंनी अमित ठाकरेंना सांगितली कोअर कमिटी बाबतची गाऱ्हाणी

म्हणाले ,’ मला ऑफर भरपूर ,पण मी राजमार्गावर

पुणे- मनसेचे पुण्यातील नेते वसंत मोरे यांनी आज नेते अमित ठाकरे यांची भेट घेतली, यानंतर कोअर कमिटीचे अन्य सदस्य अमित ठाकरे यांच्याशी चर्चेसाठी गेले आहेत.यावेळी वसंत मोरे यांनी माध्यमांशी संवाद साधला. वसंत मोरे म्हणाले, माझी वेळ दुपारी एकची होता पण मी विनंती करून , दूर असल्याने अमित ठाकरे यांच्याकडून दोन वाजताची वेळ घेतली . मी मनाचे कधीच काही सांगत नाही. मी राष्ट्रवादी प्रवेशाबाबत भूमिका जाहीर केली नाही. ती क्लिप राष्ट्रवादीच्या कार्यकर्त्यांकडून आली.माझे काम चांगले असल्याने मला अन्य पक्षाचे नेते ऑफर करतात त्याला मी काय करू .

हे किती दिवस चालणार ?तुम्हाला ओफार आहेत , इथे तुमची अवहेलना होते मग किती दिवस थांबणार ? अशा प्रश्नांच्या सरबत्तीला मोरे वैतागले आणि म्हणाले , असे करतो मी तुमच्याच पत्रकारांच्या पक्षात येतो .मनसे सोडणार असे मी कधीच सांगितले नाही. मी मनाचे काहीच सांगत नाही. मला जायचे असते तर कधीच गेलो असतो. मी हे वारंवार सांगतो. राष्ट्रवादीच्या कार्यकर्त्याने एक क्लिप त्यांच्या फेसबूक वाॅलवर टाकली बस्स एवढेच,आणि जयश्री जाधव च्या लग्नात चंद्रकांत पाटील पत्रकारांच्याच समोर बोलले , काय ते तुम्हाला माहिती आहे .

पुण्यातील महाराष्ट्र नवनिर्माण सेनेचे नेते वसंत माेरे हे पक्षातील अंर्तगत राजकारणाला कंटाळलेले असून त्यांनी थेट शहराच्या पदाधिकाऱ्यांवर आराेप केले आहे. यानंतर विराेधी पक्षनेते अजित पवार यांनी वसंत माेरे यांना राष्ट्रवादी काँग्रेस पक्षात येण्याची जाहीर ऑफर दिली. दरम्यान, यानंतर मनसे नेते अमित ठाकरे यांनी वसंत माेरे यांच्याशी संपर्क साधत त्यांना चर्चा करण्यासाठी शुक्रवारी बाेलवले. त्यानुसार राजमहाल या ठाकरे यांच्या पुण्यातील निवासस्थानी सदर दोघांची भेट झाली आहे.

वसंत माेरे म्हणाले, अमित ठाकरे यांनी मला नेमके कशाकरिता बाेलवले हे मला माहिती नाही, त्यांच्याशी चर्चा केल्यानंतर स्पष्टता हाेईल. मी काेणतीही पक्ष विराेधी कारवाई करत नाही पक्ष वाढीसाठीच मागील 16 वर्ष काम केलेले आहे. त्यामुळे माझी पक्षातून हाकलपट्टी करण्याचा काेणताही विषय नाही. मला काेणती तडजाेड करायची असती तर मी कधीच दुसऱ्या पक्षात गेलाे असताे त्यामुळे त्याचा काही विषय नाही.

वसंत माेरे मागील अनेक दिवसांपासून पक्षातील वातावरण बिघडल्याचे सांगत त्यावर उपाययाेजना हाेणे आवश्यक असल्याचे सांगत आहे. परंतु त्यांच्या मागणीकडे दुर्लक्ष केले जात असल्याने ते नाराज आहे. त्यामुळे पुणे शहरातील पक्षांतर्गत वाद साेडविण्यासाठी आता अमित ठाकरे मध्यस्थी करणार अशी चर्चा रंगली आहे.

मनसे कार्यालयात जाणार नाही

वसंत मोरे नाराज असल्याचे अनेकदा त्यांची समजूत काढली जाते. मात्र, याचा फायदा घेत त्यांचे पक्षांतर्गत विराेधक ते पक्ष साेडणार असल्याचे सांगतात. परंतु वसंत माेरे यांनी मी राज ठाकरे यांचा सच्चा मनसैनिक असून आपण पक्षातच असल्याचे सांगितले आहे. मात्र, पक्षात मला जाणीवपूर्वक डावललेले जात असून लक्ष्य करण्यात येते. कार्यक्रमाचे निराेप न देणे, कार्यक्रम परस्पर ठरवणे, भाषणासाठी वेळ न देणे, व्यासपीठावर जागा न देणे आदी आराेप लावलेले आहे.ज्या कार्यालयात मी फुले वेचली तिथे काटे वेचायला मी जाणार नाही असे सांगत आपला मनसे कार्यालयात अवमान होत असल्याची भावना मोरे यांनी व्यक्त केली .मात्र राज साहेबांनी सांगितले तर कार्यालयात देखील जाईल असेही ते म्हणाले आहेत.

सध्या अमित ठाकरे पुणे शहराच्या दाैऱ्यावर असून त्यांनी शुक्रवारी दुपारी वसंत माेरे यांना भेटीसाठी आमंत्रित केले. त्यामुळे या भेटीनंतर वसंत माेरे यांचे नाराजी नाट्यावर पडदा पडून पक्षांतर्गत वातावरण सुधारणार का? हा प्रश्न उपस्थित झाला आहे. .