पुणे– टाटा क्रुसिबल कॅम्पस क्विझ २०२० च्या पुणे क्षेत्रीय फेरीत पुण्याच्या सिम्बॉयसिस सेंटर फॉर इन्फॉर्मेशन टेक्नॉलॉजीचे (एससीआयटी) दिगंत बाकरी आणि अखिल अशोक यांनी विजेतेपद पटकावले आहे.
बालाजी इन्स्टिट्यूट ऑफ मॉडर्न मॅनेजमेंट, पुणे येथे आयोजित करण्यात आलेल्या शहर स्तरीय अंतिम फेरीत एकूण २६२ संघांनी भाग घेतला होता. भाग्यशाली विजेते दिगंत बाकरी आणि अखिल अशोक यांना ७५,०००* रुपयांच्या रोख पुरस्काराने गौरवण्यात आले. तसेच त्यांना राष्ट्रीय अंतिम फेरीत भाग घेण्यासाठी पात्र ठरण्यासाठी झोनल फेरीत सहभागी होण्याचीही संधी मिळणार आहे. पुण्याच्या कॉलेज ऑफ इंजिनिअरिंगचे प्रजोत विरेश पाटणे आणि अथर्व अभय सोमण यांनी उपविजेतेपद जिंकले असून त्यांना ३५,०००* रुपयांचे रोख बक्षीस देण्यात आले. टीएमटीसी ग्रुप ऑफ ह्यूमन रिसोर्सेसचे डायरेक्टर श्री. इम्यॅन्युएल डेविड हे यावेळी प्रमुख पाहुणे म्हणून उपस्थित होते.
टाटा क्रुसिबल कॅम्पस क्विझची यंदाची संकल्पना ‘इंडस्ट्री ४.०‘ ही आहे. ख्यातनाम क्विझमास्तर गिरी बालसुब्रमण्यम म्हणजेच ‘पिकब्रेन‘ यांनी आपल्या अनोख्या, कौशल्यपूर्ण शैलीत स्पर्धेचे सूत्रसंचालन केले.
भारतातील सर्वात मोठी कॅम्पस क्विझ म्हणून नावाजल्या जाणाऱ्या टाटा क्रुसिबल कॅम्पस क्विझचे हे सोळावे वर्ष असून दोन महिन्यात तब्बल ४० शहरांमध्ये तिचे आयोजन केले जाणार आहे. त्यानंतर देशभरात पाच झोनल फेऱ्या होतील व सर्वात शेवटी मुंबईत महाअंतिम फेरी पार पडेल. टाटा क्रुसिबल कॅम्पस क्विझच्या राष्ट्रीय विजेत्या संघाला ५ लाख* रुपयांचे रोख बक्षीस व प्रतिष्ठेची टाटा क्रुसिबल ट्रॉफी देऊन गौरविण्यात येईल.
