एप्रिलमध्ये 48,097 वाहनांची विक्री
मुंबई- महिंद्र अॅन्ड महिंद्र लि. या कंपनीच्या मोटार वाहनांच्या विक्रीत एप्रिल महिन्यामध्ये गेल्या वर्षीच्या तुलनेत 22 टक्क्यांची वाढ झाली आहे.यंदाच्या एप्रिलमध्ये या वाहनांची विक्री 48,097 इतकी झाली. गेल्या वर्षीच्या एप्रिलमध्ये ही विक्री 39,417 इतकी झाली होती.
महिंद्र अॅन्ड महिंद्र कंपनीच्या वाहन उत्पादन विभागाने ही आकडेवारी जाहीर केली. यंदाच्या एप्रिलमध्ये वाहनांची देशांतर्गत विक्री 45,217 इतकी झाली. तीमध्ये 19 टक्क्यांची वाढ झाली आहे. प्रवासी वाहनांच्या विभागात (यूव्ही, कार, व्हॅन) 21,927 इतक्या युनिट्सची विक्री झाली. ही वाढ 13 टक्क्यांची आहे. व्यावसायिक वाहनांच्या विभागात 18,963 युनिट्सची विक्री झाली. ही वाढ 26 टक्क्यांची आहे. मध्यम व जड व्यावसायिक वाहनांची विक्री एप्रिलमध्ये 904 इतकी झाली. तसेच 2,880 वाहनांची निर्यात करण्यात आली. ही निर्यातीतील वाढ तब्बल 88 टक्क्यांची आहे.
या कामगिरीबद्दल महिंद्र अॅन्ड महिंद्र कंपनीच्या वाहन उत्पादन विभागाचे प्रमुख राजन वधेरा म्हणाले, की 2017-18 या वर्षी आमची कामगिरी उत्तम झाली. त्यानंतरच्या पहिल्याच महिन्यात, एप्रिलमध्ये आम्ही 22 टक्क्यांची विक्रीत वाढ केली आहे. व्यक्तिगत व व्यावसायिक, अशा दोन्ही वाहनांच्या विक्रीत ही वाढ आम्ही अनुभवतो आहोत. आमच्या ‘प्लश न्यू एक्सयूव्ही-500’ या मॉडेललाही प्रचंड प्रतिसाद मिळत आहे. ट्रक व बस विभागाने यंदा उत्तुंग कामगिरी बजावली आहे. 2018-19 या आर्थिक वर्षाच्या पहिल्या तिमाहीत आमची कामगिरी याच जोमाने होईल, याविषयी आम्हाला खात्री आहे.
वाहन उद्योग विभाग
एप्रिलमधील विक्री
श्रेणी आर्थिक वर्ष 2018-19 आर्थिक वर्ष 2017-18 वाढ
प्रवासी वाहने 21927 19391 13 टक्के
युटिलिटी वाहने 20371 18363 11 टक्के
कार्स व व्हॅन्स 1556 1028 51 टक्के
व्यावसायिक वाहने 18963 15060 26 टक्के
एलसीव्ही
(3.5 टनांपेक्षा कमी वजनाची) 17495 14360 22 टक्के
एलसीव्ही
(3.5 टनांपेक्षा अधिक वजनाची) 564 422 34 टक्के
एमएचसीव्ही 904 278 225 टक्के
3 डब्ल्यू 4327 3438 26 टक्के
एकूण देशांतर्गत विक्री 45217 37889 19 टक्के
एकूण निर्यात 2880 1528 88 टक्के
एकूण विक्री (देशांतर्गत अधिक निर्यात) 48097 39417 22 टक्के
(टीप ः कार्सच्या देशांतर्गत विक्रीमध्ये महिंद्र इलेक्ट्रिक मोबिलिटी लि. या कंपनीच्या उत्पादनांची विक्रीही समाविष्ट.)
