कोरोना च्या वाढत्या रुग्ण संख्येच्या पार्श्वभूमीवर आ. चंद्रकांतदादा पाटील यांना कराव्या लागल्या सूचना
पुणे- जंबो तातडीने पूर्ण क्षमतेने सुरु करा , विलगीकरण कक्ष ,कोविड केअर सेन्टर्स तातडीने सुरु करा , खाजगी हॉस्पिटल मधील ८० टक्के खाटा ताब्यात घ्या अशा विविध सूचना करत महापालिकेने आता तरी युध्द पातळीवर कोविद चा सामना करण्यास पूर्ण क्षमतेने उतरले पाहिजे अशा स्वरूपाच्या सूचना कोथरूड चे आमदार आणि भाजपचे प्रदेशाध्यक्ष आ. चंद्रकांतदादा पाटील यांनी महापलिका आयुक्तांना केल्या आहेत.
याबाबत आ. पाटील म्हणाले कि,’कोरोना च्या वाढत्या रुग्ण संख्येच्या पार्श्वभूमीवर खाटा उपलब्ध होत नसल्याच्या तक्रारी येत आहेत.अश्या स्थितीत जम्बो रुग्णालय पुर्ण क्षमतेने सुरु केलं जावे व तेथील व्हेंटिलेटर ची संख्या वाढवावी अशी आग्रही मागणी करत आहे.
तसेच मनपा च्या हेल्पलाईन सेवेबाबत ही तक्रारी वाढल्या असून ऑपरेटर फोन उचलत नाहीत, त्यांच्या कडे माहिती उपलब्ध नाही अश्या तक्रारींचा ओघ वाढत आहे. या सेवेचा नागरिकांना लाभ व्हावा या दृष्टीने त्वरित कार्यवाही करावी.
तसेच खासगी रुग्णालयातील किमान 80% खाटा ह्या कोरोना रुग्णासाठी राखीव ठेवाव्यात व त्या ताब्यात घेण्याची कार्यवाही त्वरित सुरु करावी अशी मागणी करत आहे.
विविध व्यक्तीगत कारणाने वा जागे आभावी अनेक रुग्णांना घरी विलगीकरणात रहाणे शक्य होत नाही, अश्या रुग्णांसाठी विलगीकरण केंद्र सुरु करावेत.यासह जे रुग्ण घरीच विलगीकरणात राहू शकतात अश्यांचे व त्यांच्या नातेवाईकांचे प्रबोधन करून त्यांना रुग्णालयात भरती होण्यापासुन परावृत्त केल्यास अत्यवस्थ व इतर आजार असलेल्या कोरोना रुग्णांसाठी अधिक खाटा उपलब्ध होतील. तरी त्या दृष्टीने प्रयत्न करावेत अशी सूचना आम्ही केली आहे.
