स्वराज पुरस्कारांच्या चौथ्या सोहळ्यात स्वराज ट्रॅक्टर्सने केला भारतीय कृषी क्षेत्रातील नायकांचा सन्मान

शेतकरी आणि कृषी-संस्थांनी दिलेल्या योगदानाची घेतली दखल

नवी दिल्ली,  २० सप्टेंबर २०२२: महिंद्रा समूहाचा एक भाग आणि एक अग्रगण्य भारतीय ट्रॅक्टर ब्रँड स्वराज ट्रॅक्टर्स यांनी आज नवी दिल्ली येथे आयोजित कृषी परिषदेत स्वराज पुरस्कार २०२२ च्या चौथ्या सोहळ्याचे आयोजन केले.

या परिषदेमध्ये माननीय केंद्रीय कृषी मंत्री श्री. नरेंद्र सिंह तोमर यांच्या उपस्थितीत स्वराजने २०२१-२०२२ मध्ये कृषी क्षेत्रातील योगदानाबद्दल शेतकरी आणि कृषी संस्थांचा सन्मान केला.  यावेळी शेतकऱ्यांच्या कल्याणासाठी स्वराज ट्रॅक्टर्सने दिलेल्या योगदानाचीही दखल घेण्यात आली.   यावेळी बोलताना श्री. तोमर यांनी कृषी क्षेत्राला विशेषत: लहान आणि अल्पभूधारक शेतकऱ्यांना मदत करण्याच्या भारत सरकारच्या प्रयत्नांवर प्रकाश टाकला.

भारतीय कृषी संशोधन परिषद (ICAR) आणि भारत सरकारचे कृषी आणि शेतकरी कल्याण मंत्रालय यांच्या संयुक्त विद्यमाने ‘शेतीचे यांत्रिकीकरण आणि शेतीमधील तंत्रज्ञानाचा वापर’ या विषयाच्या अनुषंगाने दिवसभराचा कार्यक्रम आयोजित करण्यात आला होता.

आपल्या मुख्य भाषणादरम्यान स्वराज विभागाचे मुख्य कार्यकारी अधिकारी श्री. हरीश चव्हाण म्हणाले, “भारताच्या आर्थिक वाढीसाठी कृषी क्षेत्र महत्त्वपूर्ण आहे आणि लहान आणि अल्पभूधारक शेतकऱ्यांची उत्पादकता आणि उत्पन्न वाढविण्यात यांत्रिकीकरण आणि अॅग्रीटेकची भूमिका महत्त्वाची आहे. भारतीय कृषी क्षेत्राला आत्मनिर्भर बनवून एकूण उत्पादकता वाढविण्यासाठी भारतीय शेतजमिनींवर शाश्वत, परवडणारे आणि सुलभ कृषी यांत्रिकीकरण याचा आपण अवलंब केला पाहिजे.”

श्री. चव्हाण पुढे म्हणाले, “स्वराज ट्रॅक्टर्समध्ये आमचा ‘ट्रान्सफॉर्म फार्मिंग आणि एनरिच लाईव्ह्स’ या आमच्या उद्देशावर ठाम विश्वास आहे आणि स्वराज पुरस्कार केवळ केलेल्या कामगिरीचा सन्मान करण्यासाठीच नव्हे तर या क्षेत्राच्या गरजा आणि प्रश्नांवर चर्चा आणि प्रकाश टाकण्यासाठीही एक व्यासपीठ म्हणून काम करतात. आम्हाला शेतकरी आणि त्यांच्या समुदायांपर्यंत थेट पोहोचण्याची संधी यामुळे मिळते.”

भारताला ‘आत्मनिर्भर’ बनवण्यासाठी सक्षम, परवडणाऱ्या आणि सुलभ तंत्रज्ञानासह शेतकऱ्यांना सक्षम करण्यासंबंधी विविध कृषी विषयांवर पॅनेल चर्चा आणि तांत्रिक सत्रांमध्ये सहभागी झालेल्या कृषी क्षेत्रातील विविध मान्यवर आणि प्रमुख सरकारी अधिकाऱ्यांनाही स्वराज पुरस्कारांनी सन्मानित करण्यात आले.