वारजे येथे लाईट हाऊसचे उद्घाटन व वारजे जलशुध्दीकरण केंद्राच्या फेज २ मधून थेट पाणी याचे लोकार्पण पालकमंत्री गिरीष बापट यांच्या हस्ते करण्यात आले. यावेळी शहराध्य योगेश गोगावले, आमदार भिमराव तापकीर, सभागृह नेते श्रीनाथ भिमाले, स्थायी समिती अध्यक्ष योगेश मुळीक, माजी नगरसेवक शिवराम मेंगडे, नगरसेवक राजाभाऊ बराटे, दिपक पोटे, नगरसेविका मंजुश्री खर्डेकर, छाया मारणे आदी मान्यवर उपस्थिती होते.
यावेळी पालकमंत्री गिरिष बापट म्हणाले, सध्या बेरोजगारीचा प्रश्न अत्यंत गंभीर असून लाईट हाऊस हे आजच्या बेरोजगार तरूण तरूणीसाठी एक उत्पन्नाचे साधन आहे. सरकार याबाबत अनेक ठोस पाऊले उचलून विविध योजना राबवित आहे. यावेळी भविष्यात बेरोजगारीचा प्रश्न नक्कीच मार्गी लागेल. आज वारजे शुध्दीकरण केंद्राच्या २ टप्याचे उद्घाटन माझ्या हस्ते याचे मला आनंद वाटत आहे. यापुढे वारजे कर्वेनगर भागातील नगरिकांना पुरेशा प्रमाणात पाणी मिळेल, असेही ते म्हणाले.
याप्रसंगी शहराध्य योगेश गोगवले म्हणाले, पंतप्रधान नरेंद्रजी मोदींनी म्हटल्याप्रमाणे प्रत्येकाला हाताला साथ, प्रत्येक हाताला काम याच उद्देश्यांने पुणे शहरात लाईट हाऊस प्रकल्प राबवून यार्फत तरूण तरूणींना १००% नोकरी मि..वी हेच आमचे ध्येय आहे. आणी त्यानुसार योग्य ती पाऊले पक्षाच्या वतीने उचलण्यात आली आहे.
नगरसेवक सुशिल मेंगडे म्हणाले, वारजे जलशुध्दीकरण केंद्र बांधून अनेक वर्षे झाली परंतू आजपर्यत वारजे कर्वेनगर भागातील नागरिकांना या टाकीतून पाणी पुरवठा होत नसे. त्यामुळे आम्ही भारतीय जनता पार्टीच्या तीन्ही नगरसेवकांनी प्रयत्न करून वारजे कर्वेनगर भागातील नागरिकांना या टाकीतून थेट पुरेशा प्रमाणात पाणी याचे लोकार्पण करण्याचे योजिले. नक्कीच भविष्यातील २५ वर्षातील पाण्याचा प्रश्न मार्गी लागला. त्याचप्रमाणे या लाईट हाऊसच्या माध्यमातून प्रत्येकाला विविध कोर्सचे प्रशिक्षण एकाच धताखाली शिकायला मिळेल. प्रशिक्षण घेतलेल्या प्रत्येकास नोकरी या उद्देश्याने या लाईट हाऊची निर्मिती करण्यात आली आहे.
कार्यक्रमाचे सुत्रसंचालन शंतनू खिलारे तर आभार प्रदर्शन श्रीनाथ भिमाले यांनी केले.
