पुणे: सुहाना प्रवीण मसालेवाले आणि लक्ष्य यांच्या संलग्नतेने आयोजित सुहाना लक्ष्य कॉर्पोरेट महिला व्हॉलीबॉल अजिंक्यपद स्पर्धेत इन्फोसिस, कॉग्निझंट, टीसीएस व कॅपजेमिनी या संघांनी आपापल्या प्रतिस्पर्ध्यांचा पराभव करत स्पर्धेत विजयी सलामी दिली.
सिम्बायोसिस स्कुल, प्रभात रोड येथे सुरू असलेल्या या स्पर्धेत इन्फोसिस संघाने टेक महिंद्रा संघाचा 2-0 असा पराभव केला. पहिला सेट 25-19 असा एकतर्फी जिंकल्यानंतर दुस-या सेटमधे झालेल्या संघर्षपुर्ण लढतीत इन्फोसिस संघाच्या प्रशंसा शर्माने उत्कृष्ट खेळाचे प्रदर्शन करत दुसरा सेट 25-23 असा जिंकून संघाला विजय मिळवून दिला. प्रशंसा शर्माला सामनावीर घोषीत करण्यात आले.
अन्य लढतीत कॉग्निझंट संघाने असेंच्युअर संघाचा 2-1(25-18, 15-25, 15-12) असा तीन सेटमध्ये पराभव करत स्पर्धेत आगेकुच केली. निकिशा पटेल सामनावीर ठरली. टीसीएस संघाने अमडॉक्स संघाचा 2-0(25-15, 25-14) असा तर कॅपजेमिनी संघाने सिंटेल संघाचा 2-0(25-11, 25-12) असा दोन सेटमध्ये एकतर्फी पराभव करत स्पर्धेत आगेकूच केली.
स्पर्धेचा सविस्तर निकाल– साखळी फेरी
इन्फोसिस वि.वि टेक महिंद्रा 2-0(25-19, 25-23) सामनावीर– प्रशंसा शर्मा
कॉग्निझंट वि.वि असेंच्युअर 2-1(25-18, 15-25, 15-12) सामनावीर– निकिशा पटेल
टीसीएस वि.वि अमडॉक्स 2-0(25-15, 25-14) सामनावीर– सिरीशा शामराव
कॅपजेमिनी वि.वि सिंटेल 2-0(25-11, 25-12) सामनावीर मिली प्रजापती
