नवीन मराठी शाळेत योगदिन साजरा
पुणे- डेक्कन एज्युकेशन सोसायटीच्या नवीन मराठी शाळेत जागतिक योगदिनानिमित्त योग अभ्यासिका उर्मिला सपकाळे यांचे व्या‘यान आयोजित करण्यात आले होते. त्यांनी योगासने व सूर्यनमस्कारांच्या प्रात्यक्षिकांचा सराव घेतला. जगभरात दोन अब्ज लोक योगाभ्यास करतात. योगोचे सकारात्मक परिणाम अनुभवण्यासाठी उर्वरित लोकांना प्रोत्साहित करायला हवे. विद्यार्थ्यांसाठी योगाचे महत्व अनन्यसाधारण आहे. योगामुळे निरामय आरोग्य जगता येते. योगामुळे मन, वाणी आणि शरीराची शुध्दी घडते. स्वयंअभ्यास, स्वओळख व चिंतनासाठी योगासने उपयुक्त ठरतात असे मत उर्मिला सपकाळे यांनी व्यक्त केले. शाळेतील १२०० विद्यार्थ्यांनी प्रात्यक्षिकांमध्ये सहभाग घेतला. मुख्याध्यापिका कल्पना वाघ यांच्या मार्गदर्शनाखाली तनुजा तिकोने, मनिषा कदम, धनंजय तळपे, जयश्री खाडे यांनी कार्यक‘माचे संयोजन केले.
मा. स. गोळवलकर गुरुजी विद्यालयात योगासनांची प्रात्यक्षिके
डेक्कन एज्युकेशन सोसायटीच्या मा. स. गोळवलकर गुरुजी माध्यमिक विद्यालयात जागतिक योगदिनानिमित्त ३०० हून अधिक विद्यार्थ्यांनी योगासने केली. पद्मासन, चक्रासन, ताडासन, वृक्षासन, वज्रासन, उष्ट्रासन, भूजंगासन, शवासन आदी योगासनांची प्रात्यक्षिके सादर केली. अनुलोम-विलोम, कपालभाती, भ्रमरी, शीतली इत्यादी प्राणायमाचे प्रकार केले. मुख्याध्यापिका लीना तलाठी यांनी योगासनांचे दैनंदीन जीवनातील महत्व सांगितले. अभ्यास करताना एकाग्रता प्राप्त करण्यासाठी आणि स्मरणशक्ती वाढविण्यासाठी प्राणायाम आणि योगासने महत्वाची असल्याचे मत लीना तलाठी यांनी व्यक्त केले.
गोळवलकर प्राथमिक शाळेत प्रात्यक्षिके
डेक्कन एज्युकेशन सोसायटीच्या मा. स. गोळवलकर गुरुजी प्राथमिक विद्यालयात चौथा जागतिक योगदिन साजरा करण्यात आला. या निमित्ताने क‘ीडाशिक्षिका मयुरी काळे व स्वाती राजगुरु यांनी निरोगी आयुष्यासाठी योगासनाचे महत्व या विषयावरील माहिती दिली. योगदिनाचे महत्व विषद केले व योगदिन सादर केले. क‘ीडा शिक्षकांच्या मार्गदर्शनाखाली विद्यार्थ्यांनी ओमकार, सूर्यनमस्कार, योगासने व प्राणायामाची प्रात्यक्षिके सादर केली. मु‘याध्यापिका कल्पना धालेवाडीकर यांच्या मार्गदर्शनाखाली कार्यक‘माचे संयोजन करण्यात आले होते.
रानडे बालक मंंदिरात प्रात्यक्षिके
डेक्कन एज्युकेशन सोसायटीच्या न्यायमूर्ती रानडे बालक मंदीरात जागतिक योग दिनानिमित्त सूर्यनमस्कार प्रात्यक्षिकांचे आयोजन करण्यात आले होते. योग अभ्यासक पूर्वा गोखले यांनी योग दिनाची माहिती दिली. व्यक्तीचा शारीरिक, मानसिक, आध्यात्मिक विकास होण्यासाठी योगसाधना आवश्यक आहे. प्रत्येकाने आपल्या दैनंदिन आयुष्यात योग अभ्यसासाठी वेळ दिला पाहिजे. असे मत पूर्वा गोखले यांनी व्यक्त केले. २४० विद्यार्थ्यांनी सहभाग घेतला. मुख्याध्यापिका अमिता दाते यांच्या मार्गदर्शनाखाली श्रध्दा खोले. मेधा मनोहर, वासंती आढाव, शिल्पा पराडकर, श्रध्दा ढवळे यांनी कार्यक्रमाचे आयोजन केले.
