पुणे- आपण काय करतो याची माहिती शिक्षण संस्थांनी नागरिकांपर्यंत पोहोचवली पाहिजे. समाज, स्वयंसेवी संस्था, उद्योग यांच्या गरजा काय याचा अभ्यास केला पाहिजे. विविध क्षेत्रातील तज्ज्ञ व अनुभवी व्यक्तिंच्या ज्ञानाचा उपयोग करून घेतला पाहिजे. आपण घडविलेला विद्यार्थी पुढे काय शिक्षण घेतो, कोठे नोकरी करतो याची माहिती संकलित केली पाहिजे. यासाठी शिक्षण संस्थांनी समाजाशी संबंध दृढ केले पाहिजेत असे मत सावित्रीबाई फुले पुणे विद्यापीठाचे कुलगुरु डॉ. नितीन करमळकर यांनी व्यक्त केले.
केंद्रीय मनुष्यबळ विकास मंत्रालयाने देशातील विविध शिक्षण संस्थांची मानांकने नुकतीच जाहीर केली. विद्यापीठ गटात सावित्रीबाई फुले पुणे विद्यापीठाने नववा आणि महाविद्यालय गटात फर्ग्युसन महाविद्यालयाने १९ वा क्रमांक मिळविला. दोन्ही संस्थांनी आपआपल्या गटात राज्यात प्रथम क्रमांक मिळविला. या निमित्त डेक्कन एज्युकेशन सोसायटीच्या फर्ग्युसन महाविद्यालयात आयोजित करण्यात आलेल्या कार्यक्रमात डॉ. करमळकर बोलत होते.
डेक्कन एज्युकेशन सोसायटीच्या नियामक मंंडळ व परिषदेचे अध्यक्ष डॉ. शरद कुंटे कार्यक‘माच्या अध्यक्षस्थानी होते. उपाध्यक्ष विकास काकतकर, कार्यवाह डॉ. एस. एन. कानेटकर, कनिष्ठ महाविद्यालयाचे अध्यक्ष राम निंबाळकर, प्राचार्य डॉ. आर. जी. परदेशी, उपप्राचार्य डॉ. नितीन कुलकर्णी यांची प्रमुख उपस्थिती होती.
पुणे विद्यापीठ व फर्ग्युसन महाविद्यालयाने राज्यात प्रथम क‘मांक मिळविला आहे. दोन्ही संस्थांचे यश हे शिक्षक व शिक्षकेतर कर्मचार्यांनी केलेल्या कष्टांचे व एकत्रित प्रयत्नांचे फळ असल्याचे मत विकास काकतकर यांनी व्यक्त केले.
संस्थेच्या प्रगतीसाठी चर्चा, चिंतन, विचारमंथन आवश्यक असते. विविध क्षेत्रांत प्रगतीसाठी कर्मचार्यांनी सूचना करुन त्याची अंमलबजावणी करण्यासाठी नियोजन केले पाहिजे. असे मत डॉ. शरद कुंटे यांनी व्यक्त केले.
या कार्यक्रमात कुलगुरु डॉ. करमळकर यांचा विशेष सत्कार करण्यात आला. प्राचार्य डॉ. आर. जी. परदेशी यांनी प्रास्ताविक भाषण केले. डॉ. नितीन कुलकर्णी यांनी सूत्रसंचालन व आभार प्रदर्शन केले.
