पुणे-चतुःशृंगी देवीच्या मंदिरात आज सकाळी ८ वाजता घटस्थापना करण्यात आली. सकाळी सहा वाजता अभिषेक, रूद्राभिषेक करण्यात आला. त्यानंतर महापूजा करून महावस्त्र अर्पण करण्यात आले. किरण मधुसूदन अनगळ या वर्षीचे सालकरी आहेत. नारायण कानडे गुरुजी यांनी पौरोहित्य केले.
या वर्षी श्री देवी चतुःशृंगी मंदिर ट्रस्टने देवीसाठी तयार केलेला सोन्याचा नवीन मुगुट अर्पण करण्यात आला. हा मुगुट दीड किलो वजनाचा असून राजाभाऊ वाईकर सराङ्ग यांनी विनामूल्य तयार करून दिला आहे. कार्यकारी विश्वस्त दीलीप अनगळ यांनी ही माहिती दिली.
पोलीस, होमगार्ड, खाजगी सुरक्षा रक्षक, मंदीरात बंदुकधारक सुरक्षा रक्षक अशी सुरक्षा व्यवस्था करण्यात आली आहे. यात्रेकरुंचा दोन कोटी रुपयांचा विमा उतरविण्यात आला आहे. महापालिकेतर्ङ्गे किटकनाशकांची ङ्गवारणी, कचरा उचण्यासाठी कंटेनर, पाणी शुध्दीकरण, अग्निशमन, रुग्णवाहिका ही तयारी पूर्ण झाली आहे.
