पुणे-स्पोर्ट क्लाइंबींग या खेळाचा समावेश नुकताच जकार्ता येथे झालेल्या आशियाई स्पर्धेत
होता तसेच हा खेळ २०२० च्या ऑलिंपिक मध्ये समाविष्ट करण्यात आला आहे. हा
साहसी खेळांमधील एकमेव ऑलिंपिक क्रीडा प्रकार असून जगभरात खूप लोकप्रिय आहे.
पिंपरी चिंचवड माउंटनिअरिंग असोसिएशन व श्री शिवाजी व्यायाम मंडळ संचालित राजे
शिवाजी क्लाइंबींग वॉल या ठिकाणी सराव करीत असलेल्या ५ मुली व २ मुलांची
निवड थायलंड मधे बँकॉक येथे दिनांक ७ डिसेंबर २०१८ ते दिनांक ९ डिसेंबर २०१८ या
कालावधीमधी होणाय्रा K CHAMPIONSHIP या आशियायी स्पर्धेसाठी निवड झाली
आहे.
निवड झालेल्या खेळाडूंची नावे पुढीलप्रमाणे
मुली
१. सानिया शेख – Youth C
२. निर्मयी नेवे – Youth C
३. दीक्षा बोडके – Youth C
४. अनन्या अनभुले – Youth D
५. सई पुणेकर – Youth C
मुले
१. अर्णव खानझोडे – Youth D
२. अधिराज मगर – Youth D
International Federation of Sport Climbing (IFSC) च्या आशियाई संघटनेने भरविलेल्या
यास्पर्धेत चीन, जपान, कोरिया, आदी देशातील मातब्बर खेळाडू भाग घेणार आहेत. हि
स्पर्धा Youth C, Youth D अशा दोन वयोगटात मुले आणि मुली अशी खेळवली जाणार
आहे. या खेळांडूच्या प्रशिक्षणाची जबाबदारी अमोल जोगदंड, इरफान शेख तसेच मान्तु
मंत्री या प्रशिक्षकांनी समर्थपणे पेलली आहे.
शिवाजीनगर गावठाण येथील पुणे म न पा च्या स्थायी समिती चे माजी अध्यक्ष श्री
बाळासाहेब बोडके, सामाजिक कार्यकर्ते श्री सचिन मुळीक तसेच श्री शिवाजी व्यायाम
मंडळाचे श्री प्रभाकर दुर्गे, पिंपरी चिंचवड माउंटनिअरिंग असोसिएशन चे श्री सुरेंद्र
शेळके, आंतरराष्ट्रीय पंच श्री श्रीकृष्ण कडूसकर, यांनी सर्व खेळाडूंना या स्पर्धेसाठी
शुभेच्छा दिल्या व सर्व खेळाडू पदक पटकावून भारताचे व पुण्याचे नाव मोठे करतील
असा विश्वास व्यक्त केला.
सदर संघ दिनांक ५ डिसेंबर २०१८ ला बँकॉक, थायलंड ला या स्पर्धेसाठी रवाना होणार
आहे.
