पुण्यातील या २ विधानसभा मतदार संघांवर उद्धव ठाकरेंचे लक्ष -खा. राऊत ( कृपया हेडफोन वर ऐका…)

mymarathi.net पुणे- वडगाव शेरी विधानसभा मतदार संघातील शिवसेना नगरसेवक संजय भोसले यांच्या उमेदवारीचे स्पष्ट संकेत देत खुद्द शिवसेनाप्रमुख उद्धव ठाकरे हे वडगाव शेरी आणि खडकवासला या दोन मतदारसंघांवर विशेष लक्ष ठेवून असल्याचे आज संसदेतील शिवसेना गटनेते खा. विनायक राऊत यांनी येथे सांगितले .
शिवसेनेचे वडगाव शेरी विधानसभा अध्यक्ष ,महापालिकेतील सेनेचे माजी गटनेते ज्येष्ठ नगरसेवक संजय भोसले यांनी दरवर्षीप्रमाणे या वर्षी देखील आयोजित केलेल्या गुणवंत विद्यार्थी मेळाव्यात खासदार राऊत बोलत होते .तब्बल ८०० विद्यार्थ्यांचा यावेळी सत्कार करण्यात आला आणि त्यांच्यसह पालक वर्गासाठी स्नेह भोजन आयोजित करण्यात आले होते .
आयोजक नगरसेवक संजय भोसले ,अश्विनी भोसले,संपर्क प्रमुख बाळाभाई कदम ,तसेच गोपाळराव शेलार ,ज्येष्ठ नगरसेवक अविनाश साळवे,इरफान सय्यद,कविता आंब्रे ,आनंद गोयल, आनंद दवे आदी मान्यवर यावेळी उपस्थित होते.
गुणवंत विद्यार्थ्यांचे कौतुक करताना यावेळी खा. राऊत गुणवंत लोकप्रतिनिधी यांचे कौतुक करायला विसरले नाहीत . वडगाव शेरीला संजय भोसले यांच्यासारखा आमदार लाभला पाहिजे असे सांगत त्यांच्या लोकहितवादी गुणवत्तेची माहिती नेत्यांनी सेनाप्रमुखांच्यापर्यंत पोहोच्व्लेली असल्याचे त्यांनी स्पष्ट केले आणि विधानसभेचा बिगुल लवकरच वाजणार असून भोसले यांच्यासारखा आमदार लाभला तर या मतदार संघात खरी दिवाळी साजरी होईल असेही ते म्हणाले .नेमके खासदार राऊत काय म्हणाले ते ऐका त्यांच्याच शब्दात ……