शिक्षणाचा फायदा स्वकीयांसाठी करण्याचे विसरू नका -आ. उदय सामंत

पुणे- शिक्षणाचे माहेरघर असलेल्या पुणे शहराने भरभरून शिक्षण दिल्यानंतर या शहराला ,या राज्याला आणि या देशाला विसरू नका ,तर स्वकीयांसाठी या शिक्षणाचा उपयोग होईल असे कार्य स्वदेशातच करत राहा असा सल्ला देत शिवसेना गटनेते संजय भोसले यांच्या कार्याचे कौतुक आज शिवसेनेचे संपर्कप् रमुख आमदार उदय सामंत यांनी येथे केले .
अॅड.अश्विनी संजय भोसले आणि संजय भोसले यांनी आयोजित केलेल्या १० वि आणि १२ वि च्या उत्तीर्ण ,गुणवंत कौतुक सोहळ्यात आ. सामंत यांच्या प्रमुख उपस्थितीत ९५० विद्यार्थ्यांचा सत्कार करण्यात आला. या वेळी ते बोलत होते. संजय भोसले यांच्या सातत्याने २५ वर्षांपासून होणाऱ्या अशा महत्वाकांक्षी उपक्रमाचे कौतुक  करून यावेळी ते म्हणाले, कोणतीही निवडणूक डोळ्यापुढे ठेवून हे शिक्षणासाठी प्रोत्साहन देण्याचे काम सातत्याने सुरु ठेवले आहे . अशा स्थानिक लोकांचाच विधानसभेला विचार शिवसेनेत होत असतो . हे कार्यकर्त्यांनी लक्षात घ्यावे .
संजय भोसले यांनी यावेळी आपल्या भाषणातून शिक्षणासाठी विद्यार्थ्यांना प्रोत्साहन आणि वातावरण निर्माण करून देणाऱ्या पालकांची प्रशंसा केली आणि या उपक्रमाबाबत माहिती दिली.
या वेळी व्यासपीठावर माजी उपमहापौर नंदू मोझे, ,माजी नगरसेवक हरणावळ , नगरसेविका संगीता ठोसर ,विशाल धनवडे,पल्लवी गावडे आदी मान्यवर उपस्थित होते .येरवडा येथील डेक्कन कॉलेजच्या सभागृहात झालेल्या या कार्यक्रमाला नागरिकांनी प्रचंड गर्दी केली होती .