पुणे-डॉ. के व्यंकटेशम यांनी आज (शुक्रवार) पुणे पोलीस आयुक्तपदाचा पदभार स्वीकारला आहे. मावळत्या पोलीस उपायुक्त रश्मी शुक्ला यांच्याकडून पदभार स्विकारला.
पोलीस आयुक्त रश्मी शुक्ला यांची बदली अतिरिक्त पोलीस महासंचालक (वाहतूक) म्हणून नियुक्ती करण्यात आली. गृह विभागाने राज्यातील अकरा वरिष्ठ आयपीएस अधिकाऱ्यांच्या बदल्या करण्याचे आदेश सोमवारी दुपारी दिले. पोलीस आयुक्त रश्मी शुक्ला यांची बदली अतिरिक्त पोलीस महासंचालक (वाहतूक) म्हणून नियुक्ती करण्यात आली.
राज्याच्या सांस्कृतिक राजधानीत येण्याची व कामाची संधी मिळाल्याने खूप आनंदी आहे़. त्याबरोबरच ही खूप मोठी जबाबदारी असल्याची जाणीव आहे, असे मत पोलीस आयुक्त डॉ़. के़.व्यंकटेशम यांनी व्यक्त केले़
डॉ़. व्यंकटेशम म्हणाले, पुणे शहरात शुक्ला यांनी खूप चांगले उपक्रम राबवत उल्लेखनीय काम केले आहे़. त्यांनी सुरु केलेले सर्व उपक्रम यापुढेही चालू ठेवण्यात येणार आहे. पुण्यातील बडी कॉप उपक्रम मी नागपूरमध्ये राबविला़ त्याला चांगला प्रतिसाद मिळाला आहे़. पुणेकरांच्या सुरक्षिततेसाठी मी सदैैव तत्पर असेल. तसेच गुन्हेगारांनी त्यांचा रस्ता सोडावा, असे माझे आवाहन आहे़.
रश्मी शुक्ला म्हणाल्या, माझ्यासाठी आजचा दिवस संस्मरणीय आहे. कारण या समारंभाच्या निमित्ताने एक योगायोग जुळुन आला आहे़. व्यंकटेशम यांच्याकडून मी लॉ अँड आॅर्डरच्या पोलीस उपनिरीक्षक या पदाचा कार्यभार स्वीकारला होता़. आज पुणे पोलीस आयुक्तपदाचा कार्यभार त्यांच्याकडे सुपूर्द केला आहे. त्यानंतर डॉ़. व्यंकटेशम यांचे सर्व पोलीस अधिकाऱ्यांनी स्वागत केले. तसेच रश्मी शुक्ला यांना नव्या पदासाठी शुभेच्छा दिल्या़.
