खा.अनिल शिरोळेंच्या न्यूयॉर्क दौऱ्यानंतर खा. वंदना चव्हाण शिकागो दौऱ्यावर

पुणे : . २२ ऑक्टोबर ते २८ ऑक्टोबर २०१७ ह्या कालावधीत संयुक्त राष्ट्रसंघ आम सभेच्या ७२ व्या अधिवेशनामध्ये सहभागी होण्यासाठी पुण्याचे खासदार अनिल शिरोळे यांचा दौरा पूर्ण होत असताना

दुसरीकडे पर्यावरणविषयक बदलांच्या अभ्यासासाठी आयोजित अमेरिकेेतील शिकागो विद्यापीठ येथील ‘क्लायमेट पार्लमेंट’ अभ्यास दौऱ्यामध्ये संसद सदस्य म्हणून खासदार वंदना चव्हाण यांचा भारतीय शिष्टमंडळात समावेश झाला आहे.दिनांक ३० ऑक्टोबर ते २ नोव्हेंबर २०१७ या कालावधीमध्ये संसदेतील सदस्य आणि सहकारी यांच्या शिष्टमंडळासाठी या दौऱ्याचे आयोजन करण्यात आले आहे.

शिकागो विद्यापीठातील तज्ज्ञांबरोबर उर्जा आणि पर्यावरणविषयक विविध प्रकारच्या समस्या विषयक चर्चासत्रांचा समावेश या परिषदेत आहे.

खासदार वंदना चव्हाण यांच्या समवेत विन्सेंट पाला (लोकसभा सदस्य),  डॉ. संजय जैसवाल (खासदार, राज्यसभा), कालीकेश सिंग देव (लोकसभा सदस्य), राकेश सिंग (लोकसभा सदस्य), रिती पाठक (लोकसभा सदस्य), प्रभास कुमार सिंग (लोकसभा सदस्य), विवेक गुप्त (खासदार, राज्यसभा) यांना देखील निमंत्रित करण्यात आले आहे.

या परिषदेच्या माध्यमातून शिकागो आणि वॉशिंग्टन (डीसी) या दोन्ही क्षेत्रातील संशोधक आणि सरकारी नेत्यांसोबत ‘संशोधन आणि धोरणविषयक भागीदारी’ विषयावर संवाद साधण्याची आणि त्याबद्दल सल्ला देण्याची एक महत्त्वपूर्ण संधीदेखील उपलब्ध होणार आहे.