> राज्यभरातून ४३ लाख लोकांनी सहभाग घेतला> एकूण ८,०२,०७१ सामने आयोजित> स्पर्धक सुमारे १,९१,९११ तास खेळले
> प्रत्येक विधानसभा क्षेत्रात १५,००० प्रतियोगी> जिल्हास्तरीय सामन्यांत ५००० विजेते> राज्यस्तरावर एकूण १२९ विजेते
> ३५ हजारहून अधिक तरुण तरुणी येणार मुंबईत> राज्यस्तरीय अंतिम समारोपाच्या तयाऱ्यांनी घेतला वेग
मुंबई: महाराष्ट्राची आतापर्यंतची सर्वात मोठी क्रीडा आणि सांस्कृतिक स्पर्धा असलेल्या ‘सीएम चषक’चे राज्यस्तरीय अंतिम सामने मुंबई, अहमदनगर आणि पुण्यात पार पडतील. राज्यातील सर्व जिल्ह्यांतून एकूण ४५ लाखांहून अधिक स्पर्धकांनी ‘सीएम चषक’च्या विविध स्पर्धांमध्ये सहभाग घेतला. भारतीय जनता युवा मोर्चाचे प्रदेश अध्यक्ष, आमदार योगेश टिळेकर आणि मुंबई अध्यक्ष मोहित भारतीय यांच्या नेतृत्वात ‘सीएम चषक’च्या समारोपाची तयारी जोमाने सुरु आहे. क्रिकेटचा राज्यस्तरीय अंतिम सामना अहमदनगरमध्ये २९ जानेवारी (मंगळवार)पासून सुरु होणार आहे. सीएम चषक’च्या सांगता सोहळ्यात ३ फेब्रुवारीला युवा महासंगमचे आयोजन करण्यात आले आहे. यामध्ये राज्यतील सुमारे ३५ हजारांहून जास्त तरुण-तरुणी भाग घेण्यासाठी मुंबईत येतील.
‘सीएम चषक’ स्पर्धेत क्रीडा आणि सांस्कृतिक अशा एकूण १२ स्पर्धांमध्ये गाव, गल्ली आणि सोसायट्यांसहित प्रत्येक शाळा, कॉलेज आणि विधानसभा तसेच जिल्हास्तरांवर ८,०२,०७१ सामने आयोजित करण्यात आले. या स्पर्धा एकूण १,९१,९११ तासांपर्यंत चालल्या. प्रत्येक विधानसभा क्षेत्रात सरासरीने १५,००० स्पर्धकांनी ‘सीएम चषक’च्या विविध स्पर्धांमध्ये सहभाग घेतला, ज्यात राज्यस्तरावर एकूण ३७,००० स्पर्धक विजेते घोषित झाले. जिल्हा स्तरावर ५००० स्पर्धक विविध स्पर्धामध्ये विजेते झाले. राज्यस्तरावर एकूण १२९ विजेते घोषित होतील. स्पर्धेच्या अंतिम समारोप सोहळ्यात महाराष्ट्र स्तरावरच्या विजेत्यांना २८ लाखांची पारितोषिके प्रदान केली जातील.
युवा मोर्चाचे प्रदेश अध्यक्ष विधायक टिळेकर यांनी दिलेल्या माहितीनुसार, ‘सीएम चषक’मधील क्रिकेटचे राज्यस्तरीय अंतिम सामने २९ ते ३१ जानेवारीपर्यंत अहमदनगर मध्ये आणि कुस्तीचे राज्यस्तरीय सामने पुण्यात ३१ जानेवारी रोजी होतील. व्हॉलीबॉल, खो-खो, कबड्डी, कॅरम, ऍथलेटिक्स, रांगोळी, पेंटिंग, गायन आणि नृत्य स्पर्धांचे अंतिम सामने २ व ३ जानेवारीला मुंबईत होतील. या सर्व स्पर्धांच्या अंतिम फेरीतल्या सामन्यांसाठी मुंबई, अहमदनगर आणि पुण्यात सर्व तयाऱ्या पूर्ण झाल्या आहेत. ‘सीएम चषक’च्या सांगता सोहळ्यात महाराष्ट्राच्या कानाकोपऱ्यातून सुमारे ३५ हजारांहून जास्त तरुण-तरुणी भाग घेण्यासाठी मुंबईत येतील, असे भारतीय यांनी सांगितले.
