मुंबई. भारतीय जनता पार्टीचे मुंबईतून निवडून आलेले लोकप्रतिनिधी महाराष्ट्र आपदा निधीमध्ये आपले एक महिन्याचे वेतन देतील. मुंबई भाजपा अध्यक्ष मंगल प्रभात लोढ़ा ह्यांनी शुक्रवारी ही घोषणा केली आहे. त्यांनी म्हंटले की, कोरोनाशी लढण्यासाठी सर्व नगरसेवक आणि आमदारांच्या सहाय्यासह मोठ्या संख्येमध्ये भाजपा पदाधिकारी व कार्यकर्ते लॉक डाउनमधील आवश्यक लोकांची सेवाही करत आहेत.
मुंबई भाजपा अध्यक्ष लोढ़ा ह्यांनी एका पत्रकामध्ये माहिती दिली आहे की, जगभर पसरलेल्या कोरोना व्हायरसच्या महामारीच्या संकटाला सामोरे जाण्यासाठी पक्षातील सर्व नगरसेवक आणि विधायक ह्यांना आपले एक महिन्याचे वेतन महाराष्ट्र आपदा निधीमध्ये दान करण्यास सांगण्यात आले आहे. त्यांनी म्हंटले की, त्याशिवाय सर्व पदाधिकारी व कार्यकर्तेसुद्धा आपल्या पातळीवर सहकार्य करत आहेत. भाजपाचे राष्ट्रीय अध्यक्ष जगत प्रकाश नड्डा ह्यांच्या आवाहनानंतर लॉक डाउनमध्ये मुंबईमध्ये जेवणाची अडचण असलेल्या गरजू लोकांना भोजन उपलब्ध करण्यासाठीसुद्धा भाजपा कार्यकर्ते मोठ्या प्रमाणात मदत पोहचवत आहेत. स्वत: मुंबई भाजपा अध्यक्ष आमदार लोढ़ा मुंबई व ठाण्यामध्ये 20 हजारांपेक्षा जास्त लोकांसाठी जेवणाची व्यवस्था करत आहेत. त्यांनी म्हंटले की, मुंबईमध्ये पक्षाचे कार्यकर्ते विविध ठिकाणी लोकांसाथी जेवणाची सोय करत आहेत. कोरोनाच्या विरोधात लढण्यासाठी सर्व देशाला एकत्र घेण्यासंदर्भात पंतप्रधानांचे कौतुक करताना म्हंटले आहे की, जनतेला सोबत घेऊन जनतेच्या सुरक्षिततेसाठी जननेत्याद्वारे हे अतिशय महान कार्य केले जात आहे व त्यापासून सर्व जग धडा घेऊ शकेल.
