‘डॉ. पी.ए. इनामदार सामाजिक कृतज्ञता दशकपूर्ती सन्मान २०१८’ जाहीर

शिवकुमार डिगे ,अन्वर राजन ,डॉ . सुमंत पांडे ,संजय यादवराव  ठरले मानकरी

दशकपूर्ती सन्मान सोहळ्याचे २८ डिसेंबर रोजी पुण्यात आयोजन ,सामाजिक योगदानाबद्दल दहा जणांचा होणार सन्मान 

पुणे :‘महाराष्ट्र कॉस्मॉपॉलिटन एज्युकेशन सोसायटी’ आणि ‘प्रबोधन माध्यम’ यांच्या संयुक्त विद्यमाने देण्यात येणारे ‘डॉ.पी.ए.इनामदार सामाजिक कृतज्ञता सन्मान २०१८’ जाहीर झाले आहेत.

गतीमान प्रशासनाचे प्रयोग करणारे शिवकुमार डिगे (माजी धर्मादाय आयुक्त, मुंबई उच्च न्यायालयाचे  निबंधक -रजिस्ट्रार ,मुंबई  ),अन्वर राजन (सामाजिक चळवळीतील ज्येष्ठ कार्यकर्ते ,पुणे ),  डॉ . सुमंत पांडे (संचालक ,जलसाक्षरता केंद्र ,यशदा ,पुणे ), ,संजय यादवराव (कोकण भूमी प्रतिष्ठान,मुंबई  ), डॉ. जे . बी . गारडे  (नामवंत दंत शल्य चिकित्सक,पुणे ) यांना  ‘डॉ.पी.ए.इनामदार सामाजिक कृतज्ञता सन्मान २०१८’ ने गौरविण्यात येणार आहे .

किशोर धारिया (पश्चिम घाटातील पर्यावरणस्नेही पर्यटन ),राजेंद्र आवटे (ग्रामीण भागातील उद्योग संधी निर्माण ),संजय भंडारी (इलेक्ट्रॉनिक वेस्ट रिसायकलिंग )  यांची निवड या वर्षीच्या ‘डॉ. पी.ए. इनामदार सामाजिक कृतज्ञता  दशकपूर्ती सन्मान’साठी करण्यात आली आहे.

संयोजन समितीचे अध्यक्ष दीपक बीडकर यांनी  पत्रकाद्वारे ही माहिती दिली.

‘महाराष्ट्र कॉस्मॉपॉलिटन एज्युकेशन सोसायटी’  च्या गुणवंत सहकाऱ्यांसाठी असलेल्या  ‘डॉ. पी. ए. इनामदार कार्यक्षमता व गुणवत्ता सन्मान’ साठी  डॉ . शैला बूटवाला (प्राचार्य,आबेदा इनामदार वरिष्ठ महाविद्यालय )आणि  जुलेखा शेख (ऑफिस सुप्रीटेंडेंट ,आबेदा इनामदार वरिष्ठ महाविद्यालय ) यांची निवड करण्यात आली आहे.

‘डॉ.पी.ए.इनामदार सामाजिक कृतज्ञता सन्मान २०१८’ चे वितरण अ . भा . मराठी साहित्य संमेलनाचे माजी अध्यक्ष डॉ . लक्ष्मीकांत देशमुख यांच्या हस्ते करण्यात येणार आहे. ‘महाराष्ट्र कॉस्मॉपॉलिटन एज्युकेशन सोसायटी’ (आझम कॅम्पस)च्या असेंब्ली हॉलमध्ये दिनांक २८ डिसेंबर रोजी सकाळी ११ वाजता हा कार्यक्रम होणार आहे.

‘महाराष्ट्र कॉस्मापॉलिटन एज्युकेशन सोसायटी’चे अध्यक्ष डॉ.पी.ए.इनामदार यांच्या वाढदिवसादिवशी  हा सन्मान सोहळा आयोजित केला जातो .  यावर्षी डॉ . पी.ए.इनामदार यांचा ७४ वा वाढदिवस असून, सन्मानाचे  दशकपूर्ती वर्ष आहे.  सन्मानचिन्ह ,शाल ,पुष्पगुच्छ  असे या सन्मानाचे स्वरूप आहे.

10  वर्षातील पुरस्कार सोहळ्या साठी आलेले  प्रमुख पाहुणे, 

निवडले गेलेले मान्यवर आणि त्यांचे कार्य पुढीलप्रमाणे-

2009  प्रमुख पाहुणे : मोहन धारिया

  सन्मान :

1. सारंग गोसावी (काश्मीरमधील शैक्षणिक सामाजिक काम)
2. मद्यविक्रीची दुकाने बंद करण्याचे सनदशीर लोकशाही पद्धतीचे आंदोलन करणारे व्यसनमुक्त युवक संघाचे अध्यक्ष, विलासबाबा जवळ (जावळी)

2010 प्रमुख पाहुणे : डॉ.विजय भटकर

 सन्मान :

1. पुणे वाहतूक पोलिस शाखेला फेसबुकचा प्रभावी वापर केल्याबद्दल
2. महामार्गांवर अपघातात मदत करणारे वाहनचालक फतेह महंमद मुजाहिद (खेडशिवापूर)

2011  प्रमुख पाहुणे : सिंधूताई सपकाळ

 सन्मान :

1. अन्न वाया जाऊ न देणारी ‘बियाँड सेल्फ संस्था’
2. कचरामुक्तीचा पुण्यात यशस्वी प्रयोग राबविणार्‍या ‘जनवाणी’ संस्थेच्या संचालक किशोरी गद्रे
3. राज्यातील पहिला महिला साखर कारखाना काढणार्‍या अ‍ॅड. वर्षा माडगुळकर (सातारा)

2012 प्रमुख पाहुणे : डॉ.एस.एन.पठाण

 सन्मान :

1. ‘अक्षरधारा’चे संस्थापक रमेश राठीवडेकर
2. दृष्टीहीन संस्थांच्या निधी संकलनात आणि ब्रेल पुस्तक निर्मितीमध्ये मदत करणार्‍या सकीना बेदी
3. माण देशातील दुष्काळाच्या व्यथा ‘सोशल मिडिया’तून सातत्याने पोहोचविणारे पत्रकार-छायाचित्रकार नागेश गायकवाड (आटपाडी)
4. हरविलेल्या वाहन शोध प्रक्रियेसाठी संकेतस्थळ निर्माण करणारे अजय खेडेकर (पुणे)

2013 प्रमुख पाहुणे : संजय नहार

 सन्मान :

1. आधुनिक तंत्रज्ञानाला ग्रामविकासाशी जोडण्याच्या कामाबद्दल डॉ. सुधीर प्रभू (अमेरिका)
2. अनिता गोखले-बेनिंजर -पुणेे डी.पी., बी.डी.पी. संदर्भात घेतलेल्या पर्यावरणप्रेमी भूमिकेबद्दल
3. विनोद बोधनकर आणि ललित राठी यांना ‘सागर मित्र’ संस्थेच्या माध्यमातून प्लास्टिक कचरा निर्मूलन कार्यात शाळांचा सहभाग घेतल्याबद्दल

2014 प्रमुख पाहुणे : डॉ. बाबा आढाव

 सन्मान :

1. राष्ट्रीय समाज पक्षाचे अध्यक्ष महादेव जानकर (वंचितांसाठी राजकीय-सामाजिक काम)
2. वनस्पतीशास्त्रज्ञ डॉ. हेमा साने
3. कवी रमेश गोविंद वैद्य
4. राज्याचे वनसंरक्षक सुनील लिमये
5. भंगार मालाच्या व्यवसायातून यशस्वी उद्योजिका झालेल्या बाळू मावशी धुमाळ

2015 प्रमुख पाहुणे : डॉ. विश्‍वंभर चौधरी (ज्येष्ठ सामाजिक कार्यकर्ते )

 सन्मान :

1. अनंतराव अभंग- ‘मिशन फॉर ट्रास्फॉर्मेशन ऑफ रूरल एरिया’ (‘मित्र’) संस्थेचे प्रमुख, एक हजार शहरे ‘हरित, विकसित शहरे’ करण्याच्या संकल्पनेबद्दल
2. प्रा. शमसुद्दीन तांबोळी -मुस्लिम सत्यशोधक मंडळाचे अध्यक्ष, सामाजिक कार्यकर्ते
3. सुनील जोशी -संघटक, जलबिरादरी पुणे (दुष्काळी भागातील नद्या पुनरुज्जीवीत करण्यासाठी केलेल्या प्रयत्नाबद्दल)
4. डॉ.मंदार अक्कलकोटकर – (आयुर्वेदतज्ज्ञ, वृक्षप्रेमी व वनीकरण प्रसारक)

२०१६ :प्रमुख पाहुणे :डॉ कुमार सप्तर्षी 

 सन्मान :डॉ.सतीश देसाई, हेरंब कुलकर्णी (शिक्षक, सामाजिक चळवळीतील ज्येष्ठ कार्यकर्ते आणि लेखक), संजय पवार (नाटककार आणि ज्येष्ठ लेखक), बाबा शिंदे (‘पिंगोरी’ गावाचा चेहरा जलसंधारणाच्या माध्यमातून बदलणारे सामाजिक कार्यकर्ते, पत्रकार)

 २०१७: प्रमुख पाहुणे  : डॉ . माणिकराव साळुंखे  (भारती विद्यापीठ कुलगुरू )

 सन्मान :चंद्रकांत दळवी, मुकेश माचकर, सुवर्णा गोखले आणि ‘सिनर्जी हॉलिडे व्हिलेज’

२०१८ : प्रमुख पाहुणे  : डॉ ;लक्ष्मीकांत देशमुख (आय ए एस  , मराठी साहित्य संमेलनाचे माजी अध्यक्ष )

  सन्मान :शिवकुमार डिगे (माजी धर्मादाय आयुक्त, मुंबई उच्च न्यायालयाचे  निबंधक -रजिस्ट्रार  ), डॉ . सुमंत पांडे (जलसाक्षरता केंद्र ,यशदा ,पुणे ), अन्वर राजन (सामाजिक चळवळीतील ज्येष्ठ कार्यकर्ते ,पुणे ),संजय यादवराव (कोकण भूमी प्रतिष्ठान,मुंबई  ), डॉ. जे . बी . गारडे  (नामवंत दंत शल्य चिकित्सक,पुणे )