मुंबई- पुण्यात लोकसभा निवडणुकीसाठी महाविकास आघाडीतील राष्ट्रवादी कॉंग्रेसचे नेते अजित पवार यांनी घेतलेल्या भूमिकेवर आज येथे कॉंग्रेसचे प्रदेश अध्यक्ष नाना पटोले यांनी प्रतिक्रिया दिली . ते म्हणाले राज्यभरात मेरीट नुसार जागा वाटप व्हावे अशी आमच्या सर्वांची भूमिका आहे ,अजित पवार आमच्या भूमिकेशी सहमत आहेत यामुळे मी त्यांचे स्वागतच करेल .पुण्याच्या बाबत बोलायचे झाले तर पुण्यात कॉंग्रेसचीच ताकद जास्त आहे . मेरीटनुसार पुणे लोकसभा आम्हीच लढवू आणि जिंकू देखील. निवडणुका माझ्याच अध्यक्षतेखाली होतील असेही ते म्हणाले.
नाना पटोले म्हणाले, मी आगामी निवडणुकांमध्ये काँग्रेस प्रदेशाध्यक्ष असेन. त्यामुळे या सर्व गोष्टींवर आता पडदा पडला आहे. या सर्व गोष्टींना काँग्रेस पक्षात स्थान नाही. आम्ही सर्वजण सध्या लोकसभा आणि विधानसभा निवडणुका कशा जिंकता येतील याच्या योजनांवर काम करत आहोत. तसेच मी प्रसारमाध्यमांचे आभार मानेन, कारण गेल्या काही दिवसात या चर्चांमुळे तुम्ही माझ्या नावाला खूप प्रसिद्धी दिली आहे. परंतु या बातम्यांमध्ये तथ्य नाही. या सगळ्या बातम्या केवळ सूत्रांच्या हवाल्याने दिल्या जात आहेत. कुठलाही नेता माध्यमांसमोर काहीही बोललेला नाही.