पुणे मेट्रो लाईन ३ (हिंजवडी-शिवाजीनगर) मार्गांना आणि स्थानकांना केंद्र शासनाची मान्यता

पुणे-केंद्र शासनाच्या गृहनिर्माण व शहर विकास मंत्रालयाच्या १८ सप्टेंबर २०१८ च्या प्रसिद्ध
अधिसूचनेनुसार पीएमआरडीएच्या पुणे मेट्रो लाईन – ३ (हिंजवडी-शिवाजीनगर) च्या मार्गिका व स्थानकांना
मेट्रो अॅक्ट् १९७८ अनुसार केंद्र शासनाकडून मान्यता मिळाली आहे.
हिंजवडी ते शिवाजीनगर या मेट्रो प्रकल्पाच्या २३.३ किमी लांबीचा व २३ स्थानके असलेला मेट्रो प्रकल्प
नियोजन प्राधिकार्याच्या म्हणजेच एमआयडीसी, पीएमआरडीए, पीसीएमसी व पीएमसीच्या परिक्षेत्रातून
धावणार आहे. पुणे महानगर प्रदेश विकास प्राधिकरणा(पीएमआरडीए) ने हाती घेतलेला पुणे मेट्रो लाईन – ३ (
हिंजवडी ते शिवाजीनगर ) हा प्रकल्प राज्य शासनाने दि. १८ जुलै २०१८ रोजी ‘महत्वकांक्षी नागरी परिवहन’
(Vital important Urban Transport Project) प्रकल्प म्हणून घोषित केल्यानंतर केंद्र शासनाकडून मेट्रोच्या
मार्गिका व स्थानकांना मान्यता मिळाली आहे.
मेट्रोच्या स्टेशनसाठी माण, पीएमआर-२, पीएमआर-३, पीएमआर-४, पीएमआर-५, पीएमआर- ६, हिंजवडी,
पीएमआर- ८, वाकड चौक, , बालेवाडी स्टेडीअम, पीएमआर-११, रामनगर, लक्ष्मीनगर, बालेवाडी फाटा,
बाणेरगाव, बाणेर, कृषी अनुसंधान, यशदा, सावित्रीबाई फुले पुणे विश्वविद्यालय, आरबीआई, कृषी
महाविद्यालय शिवाजीनगर, सिविल न्यायालय या २३ ठिकाणच्या स्थानकांना व माण येथील कार डेपोस
मान्यता मिळाली आहे.
वरील मार्गीकेप्रमाणे पीएमआरडीएकडून निविदा प्रक्रिया पूर्ण करण्यात आली आहे. तसेच टाटा-सिमेन्स
कंपनीस सार्वजनिक भागीदारी तत्वावर अंतिम निविदाकार म्हणून निवड करण्यात आली आहे. लवकरच
पीएमआरडीए व तट सिमेन्स यांच्यामध्ये सवलत करारनाम्यावर स्वाक्षऱ्या होऊन प्रत्यक्ष कामाला सुरुवात
होणार आहे, असे मा. आयुक्त किरण गित्ते यांनी सांगितले आहे.