पुणे-
कोरोना विषाणू प्रादुर्भाव प्रतिबंधत्मक उपाययोजनेतर्गत प्रतिबंधात्मक क्षेत्रातील नागरिकांचे घशातील स्त्राव ( स्वाब ) घेण्यासाठी व या स्वबचे तातडीने तपासणी करणेकरिता जलदरीत्या राष्ट्रीय विषाणू प्रयोगशाळा NIV, येथे पाठविणे,व तपासणी अहवाल जलद मागवून अहवालाच्या निर्देशानुसार तातडीने पुढील नियोजन करण्याच्या दृष्टीने शहरातील ५, प्रतिबंधित क्षेत्रातील नागरिकांच्या स्वाब तपासणी व पुढील कार्यवाही करिता “108” रुग्णवाहिका सेवा जागेवरच उपलब्ध करून देण्यात आलेल्या असल्याचे मा,महानगरपालिका आयुक्त शेखर गायकवाड यांनी सांगितले आहे,
शहरातील ५,प्रतिबंधात्मक क्षेत्रात अर्थात येरवडा,भवानी पेठ,शिवाजीनगर-घोले रस्ता,कसबा- विश्रामबागवाडा, व ढोलेपाटी ल रस्ता या परिसरातील प्रतिबंधित क्षेत्रात प्रत्येकी एक “108, रुग्णवाहिका उपलब्ध करून देण्यात आलेली आहे,
स्वाब तपासणी अहवाल प्राप्त झाल्यानंतर प्राप्त अहवालामध्ये निर्देशित केल्यानुसार पुढील उपचारार्थ व्यक्तीस घेऊन जाणे,अशा जलद नियोजनाकरिता स्वाब केंद्राजवळच हि सुविधा उपलब्ध करून देण्यात आलेली आहे,
कोरोना विषाणू प्रतिबंधात्मक नियोजनाकरिता एखाद्या भागात, प्रतिबांत्मक क्षेत्राबाहेर ही एखादा रुग्ण पॉझिटिव्ह आढळल्यास त्या भागासहि त्वरित प्रतिबंधित करण्यात येईल, व सदरचा भाग प्रतिबंधित क्षेत्र म्हणून जाहीर करण्यात येईल,असे जाहीर करणे अर्थात नागरिकांच्या दृष्टीने व विषाणू प्रादुर्भाव नियंत्रित करण्याच्या दृष्टीने नियोजनाचा भाग राहील,त्यामुळे नागरिकांनी घाबरून जाऊ नये,तसेच चुकीची माहिती व अफवा यांच्यावर विश्वास ठेवू नये,असे आयुक्त शेखर गायकवाड यांनी कळविले आहे,
स्वाब घेण्याच्या संख्येत वाढ करण्याच्या दृष्टीने नियोजनात वाढ करण्यात आलेली असून दैनंदिन सुमारे एक हजारापेक्षा अधिक संख्येने जास्तीत जास्त जलद व नियोजनबद्ध स्वाब घेण्याचे नियोजन करण्यात आल्याचे
मनपा आयुक्त शेखर गायकवाड यांनी कळविले आहे.
