MIT शाळेची CBSE NOC रद्द करण्या संदर्भात नोटीस द्या : मंत्री कडू

शिक्षण राज्य मंत्री श्री बच्चुभाऊ कडु यांच्याशी MIT शाळेच्या पालकां समवेत विविध प्रश्नां संदर्भात मेधा कुलकर्णी यांची भेट आणि चर्चा.. मंत्री कडू यांच्या कडून त्वरित आदेश , CBSE NOC रद्द करण्याची नोटीस
पुणे- कोथरूड च्या माजी आमदार प्राचार्य मेधा कुलकर्णी यांनी पालकां समवेत बच्चू कडू यांची भेट घेऊन चर्चा केली.
माननीय शिक्षण राज्य मंत्री बच्चुभाऊ कडु यांनी कोथरूड येथील MIT शाळेची CBSE NOC रद्द करण्या संदर्भात नोटीस देण्याचे आदेश दिले असून कोणत्याही SSC बोर्डाच्या विद्यार्थ्यांला CBSE ची सक्ती करता येणार नाही असे स्पष्ट केले आहे.
शाळेने ह्या वर्षी सर्व SSC बोर्ड इंग्रजी माध्यम एकदम बंद करून विद्यार्थ्यांना CBSE प्रवेश घ्या किंवा शाळा सोडून जा असे सांगितले होते.
शाळेने SSC बोर्ड बंद केल्यामुळे गेले ६ महिने SSC बोर्ड इंग्रजी माध्यमाचे साधारण ८००-९०० विद्यार्थी या मुळे ऑनलाइन शिक्षणापासून वंचित राहिले आहेत .
गेले २.५ वर्षे शाळा विद्यार्थ्यावर CBSE लादण्याचा तालिबानी प्रकार करत आहे. त्या विरोधात वेळोवेळी पालकांनी आवाज उठवला होता. शाळेने पहिली पासून एक एक वर्ष CBSE सुरु करावे आमची मुले SSC बोर्ड मधून पास होऊन द्यावीत एवढीच पालकांची न्याय मागणी होती.
पण शाळेने मनमानी कारभार करत switch over category मधून शासनाची फसवणूक करून CBSE ची मान्यता मिळवली आणि पूर्ण SSC बोर्ड इंग्रजी माध्यम एकदम बंद केले.
” महाराष्ट्र राज्यातील विद्यार्थ्यांना महाराष्ट्र शासनाच्या बोर्डातून नाव कमी करण्याची सक्ती शाळा कशी करू शकते” असा सवाल प्राचार्य मेधा कुलकर्णी यांनी उपस्थित केला.
राज्याचे शिक्षण खाते यावर आता तातडीने पुढील कारवाई करून, शाळेवर प्रशासक नेमून शाळेला SSC बोर्ड इंग्रजी माध्यमातून विद्यार्थ्यांना शिक्षण देण्यास भाग पाडतील अशी आशाही त्यांनी व्यक्त केली.
राज्यमंत्री बच्चुभाऊ कडू यांनी तातडीने संचालक जगताप यांना आदेश दिले असून कोणत्याही विद्यार्थ्यांस बोर्ड बदलण्याची सक्ती केली जाऊ नये यासाठी नोटीस बजावावी अन्यथा CBSE बोर्डाची NOC रद्द करण्यासंदर्भात कारवाई करावी असे आदेश दिले आहेत.
रवी गादिया, मनोहर हुम्बर, विनायक कुंभार, संजय जोशी, प्रकाश परमार, गजेंद्र पाटील हे पालक उपस्थित होते.