नाशिक- येथे आयोजित एका विवाह सोहळयास उपस्थित असलेल्या संजय राऊत यांना आपण मास्क का वापरत नाही असा सवाल केला असता त्यांनी मास्क न वापरण्याबाबत अजबच उत्तर दिले आहे. पंतप्रधान मास्क लावा सांगतात पण स्वत: मास्क लावत नाहीत. त्यामुळे आम्ही पंतप्रधान मोदींचे ऐकतो आणि आम्ही मास्क लावत नाही, असे म्हणत शिवेसेना खासदार संजय राऊत यांनी थेट मोदींवर टीका केली आहे.
देशभरात विशेषत: महाराष्ट्रात कोरोना आणि ओमायक्रॉनचे रुग्ण दुपटीने वाढू लागले आहेत. ही चिंतेची बाब आहे. आरोग्य मंत्र्यांनी सांगितले. मुख्यमंत्र्यांनीही टास्क फोर्सची बैठक घेतली. सध्या रात्रीचे निर्बंध लावण्यात आले आहेत.
दिवसाच्या निर्बंधांपर्यंत वेळ येऊ नये, अशी सर्वांची इच्छा आहे. कारण दिवसाचे निर्बंध आले तर पुन्हा एकदा महाराष्ट्राचे अर्थचक्र हे अडकून पडेल. नोकरी, धंदा, काम, रोजगार या सर्वांवर मोठे संकट येऊ शकते. ते यावे असं वाटत नसेल तर प्रत्येकाने आपआपल्या पद्धतीने काळजी घेतली पाहिजे असेही संजय राऊत म्हणाले.