मुंबई- क्रूझ ड्रग्ज प्रकरणी अभिनेता शाहरुख खानचा मुलगा आर्यन खानला मोठा दिलासा मिळाला आहे. एनसीबीकडून आर्यनला क्लीन चिट मिळाली आहे. याप्रकरणी एनसीबीने एनडीपीएस कोर्टात सहा हजार पानांचे आरोपपत्र दाखल केले असून त्यात आर्यनच्या नावाचा उल्लेख नाही. याप्रकरणी आर्यनला 2 ऑक्टोबर रोजी अटक झाली होती. 26 दिवस तुरुंगात घालवल्यानंतर त्याला जामीन मंजुर झाला होता. SIT च्या तपासानंतर 6 नोव्हेंबर रोजी जामीन मंजुर करण्यात आला होता. याप्रकरणी आर्यनसह 19 आरोपी होते.
आता केवळ 14 जणांवर कारवाई होणार
आरोपपत्रानुसार, नार्कोटिक्स कंट्रोल ब्युरो (NCB) च्या SIT ला शाहरुख खानचा मुलगा आर्यन आंतरराष्ट्रीय ड्रग तस्करी सिंडिकेटचा भाग असल्याचा कोणताही पुरावा सापडलेला नाहीये. एनसीबीचे डीडीजी संजय कुमार सिंह यांनी सांगितल्यानुसार, आर्यन आणि मोहक वगळता सर्व आरोपी मद्यधुंद अवस्थेत आढळले. आता 14 जणांविरुद्ध एनडीपीएस कायद्याच्या विविध कलमान्वये गुन्हा दाखल करण्यात आला आहे. उर्वरित सहा जणांविरुद्ध पुराव्याअभावी तक्रार नोंदवली गेली नसल्याचे सांगण्यात आले. .