पतियाळा-पंजाब काँग्रेसचे माजी अध्यक्ष आणि माजी क्रिकेटपटू नवज्योतसिंग सिद्धू यांची पतियाळा तुरुंगातून सुटका करण्यात आली आहे. सिद्धू 317 दिवसांनंतर पतियाळा सेंट्रल जेलमधून बाहेर आले आहेत. रोडरेजप्रकरणी त्यांनी एक वर्षाची शिक्षा भोगली होती. सिद्धू बाहेर पडल्यावर समर्थकांनी त्यांचे जल्लोषात स्वागत केले.
सिद्धू यांच्या सुटकेला बराच उशीर झाला. आधी सकाळी 11 वाजता आणि नंतर दुपारी 3 वाजता त्यांची सुटका होणार होती, पण आता ते संध्याकाळी 6 वाजता तुरुंगाबाहेर आले आहेत.
त्यांचा मुलगा करण सिद्धूने कागदपत्रांच्या नावाखाली आपल्या वडिलांचा नाहक छळ केला जात असल्याचा आरोप केला होता. सकाळपासून अनेकवेळा सिद्धांना तासाभरात सोडणार असल्याचे सांगितले जात होते. समर्थकांच्या प्रचंड गर्दीमुळे सुटकेला विलंब होत असल्याचेही बोलले जात होते.माजी आमदार नवतेज चिमा म्हणाले की, राज्य सरकार त्यांच्या सुटकेसाठी जाणीवपूर्वक दिरंगाई करत आहे.
पतियाळा येथे पोहोचलेले राष्ट्रीय काँग्रेसचे माजी प्रवक्ते गौतम सेठ यांनी सांगितले की, काँग्रेस नेते केसी वेणुगोपाल यांनी आज राज्यस्तरीय कार्यक्रम रद्द करण्यास सांगितले आहे. नवज्योतसिंग सिद्धू यांच्या स्वागतासाठी त्यांनी सर्व काँग्रेस नेत्यांना पतियाळा तुरुंगात पोहोचण्याचे आदेश दिले आहेत.
शिक्षेदरम्यान कोणतीही रजा न घेतल्याचा फायदा नवज्योतसिंग सिद्धू यांना मिळत असून 19 मेच्या 48 दिवस आधी त्यांची सुटका होत आहे. सिद्धू यांच्या ट्विटर पेजवर शुक्रवारी ही माहिती देण्यात आली. वरिष्ठ अधिकाऱ्यांनी सुटकेची माहिती दिली आहे, असे ट्विटमध्ये लिहिले आहे.
यावेळी नवज्योतसिंग सिद्धू यांच्या स्वागतासाठी मोठ्या जल्लोषाचे आयोजन केले जात नाही. त्याचवेळी पंजाब प्रदेश काँग्रेस कमिटीचे प्रमुख अमरिंदर सिंग राजा वाडिंग यांनी त्यांना घेण्यासाठी जाण्यास नकार दिला आहे. सिद्धूंचे समर्थक मात्र त्यांच्या भव्य स्वागताची तयारी केली होती .
