मिरवणुकीत आगीचा भडका– २ नगरसेविका गंभीर भाजल्या, १८ जण जखमी
पुणे _जिल्ह्यातील जेजुरी येथे गडाच्या कमानीजवळ निवडणूक विजयी जल्लोषाच्या मिरवणुकीदरम्यान भीषण आगीचा भडका भंडाऱ्याच्या उधळणीदरम्यान उडाल्याने एकच खळबळ उडाली.
कापूर पेटवलेला असतानाच त्यावर भंडारा पडल्याने आगीने रौद्र रूप धारण केले. या घटनेत विजयी उमेदवार स्वरूपा खोमणे आणि घाडगे या दोन नगरसेविका भाजल्या असून, त्यांची प्रकृती गंभीर असल्याची माहिती आहे. दोघींनाही तातडीने रुग्णालयात दाखल करण्यात आले आहे.
या प्रकारात आणखी १८ जण भाजल्याची प्राथमिक माहिती असून, जखमींमध्ये कार्यकर्ते व नागरिकांचा समावेश आहे. घटनेनंतर स्थानिक नागरिक, पोलीस व अग्निशमन दलाने तात्काळ मदतकार्य सुरू करून आग आटोक्यात आणली.
