पुणे—पेशवे पार्कमधील कोट्यवधींची शिवसृष्टी धुळखात पडून ठेवण्यात आली आणि छत्रपती शिवाजी महाराजांच्या विचारांचा आणि इतिहासाचा अपमान करण्यात आला असा आरोप करत यास भाजप व पुणे महानगरपालिकेच्या प्रशासकीय हलगर्जीपणा जबाबदार असल्याचे सांगत शिवसेनेने आज पेशवे पार्क येथे तीव्र निदर्शने केली.या आंदोलनात शहरप्रमुख श्री. संजय मोरे,गजानन थरकुडे, गटनेते अशोक हरणावळ, उपशहरप्रमुख भारत कुंभारकर, प्रसिद्धी प्रमुख अनंत घरत,दिलीप पोमन, मुकुंद चव्हाण, राजू चव्हाण, गोविंद निंबाळकर, गणेश घोलप, रणजीत शिंदे, संदीप गायकवाड, संजय साळवी, सुरज लोखंडे, रमेश परदेशी, गजानन देशमुख, चंदन बेंडवाल, निलेश वाघमारे, राहुल शेडगे, संजय वाल्हेकर, ज्ञानेश्वर पोळ, गणेश पोकळे, निलेश आल्हाट, पुरुषोत्तम विटेकर, अमित पापल, जगदीश दिघे, नागेश खडके, राजेश शेलार, अमर मारतकर, सूरज खंडाळे, सनी गायकवाड, सोमनाथ खांगटे तसेचमहिला आघाडीच्या पद्माताई सोरटे, सोनाली जुनावणे, गायत्री गरुड, गौरी चव्हाण आदी पदाधिकारी व शिवसैनिक मोठ्या संख्येने उपस्थित होते.
१२ हजार कोटी रुपयांचे बजेट असलेल्या पुणे महानगरपालिकेने कोट्यवधी रुपये खर्च करून उभारलेली पेशवे पार्क येथील शिवसृष्टी आज धुळखात पडलेली आहे, ही बाब पुणेकरांसाठी लाजिरवाणी व संतापजनक आहे. प्रभागात भाजपचे तब्बल ५ नगरसेवक असतानाही शिवसृष्टीची ही दुरवस्था म्हणजे भाजपची शिवविचारांबाबतची उदासीनता व शिवद्रोही मानसिकता उघड करणारी आहे.शिवसृष्टीच्या दुरवस्थेस भाजप व महापालिका प्रशासन पूर्णतः जबाबदार असून, तात्काळ दुरुस्ती व देखभाल न झाल्यास शिवसेना अधिक तीव्र आंदोलन छेडेल, असा इशारा यावेळी देण्यात आला.
याच निषेधार्थ शिवसेनेच्या वतीने जोरदार आंदोलन करण्यात आले.“शिवद्रोही भाजपचा निषेध असो”, “शिवसृष्टीचा अपमान सहन करणार नाही”, “प्रशासनाची दिरंगाई बंद करा” अशा घोषणा यावेळी देण्यात आल्या.
