नीलम गोऱ्हे अपात्र प्रकरणी देवेंद्र फडणवीसांचा मोठा इशारा
मुनगुंंटीवार म्हणाले सचिन अहिर , एक दिवस तुम्हालाही भाजपात यावे लागेल …अनिल परबाची अवस्था महाभारतातल्या अश्वथामा सारखी नाही झाली तर मला सांगा …
मुंबई-आज विधानपरिषदेत उपसभापती नीलम गोऱ्हे यांच्या अपात्रातेचा विषय चर्चेला आला तेव्हा ..विधान परिषदेच्या उपसभापती नीलम गोऱ्हे यांच्या पदावरच आक्षेप घेत शेकापचे जयंत पाटील यांनी त्यांचं पदावर बसणंच कसं गैर आहे हे सांगितलं आणि गोंधळ घातला. सोमवारी हे घडल्यानंतर मंगळवारीही पुन्हा विधान परिषदेत हाच मुद्दा उपस्थित झाला. मात्र नीलम गोऱ्हे यांनी देवेंद्र फडणवीस हे यावर बोलतील हे स्पष्ट केलं. त्यानुसार नीलम गोऱ्हे यांना पदावरुन हटवता येणार नाही असं आता देवेंद्र फडणवीस यांनी म्हटलं आहे.“सदस्यपदी निवडून आल्यापासून आत्तापर्यंत नीलम गोऱ्हे या शिवसेना या पक्षाच्या सदस्य आहेत. त्यामुळे त्यांच्या प्रकरणात पक्षांतराचा प्रश्न कुठेही निर्माण झालेला नाही. ज्याचा उल्लेख सन्माननीय मुनगंटीवार यांनी केला. त्याबद्दलही सांगतो, निवडणूक आयोगाने हे स्पष्ट केलं आहे. शिवसेना पक्ष आणि धनुष्यबाण हे चिन्ह मुख्यमंत्री एकनाथ शिंदे नेतृत्वाखालील शिवसेनेला दिलं आहे. एकनाथ शिंदे हेच शिवसेनेचे प्रमुख आहेत. त्यांच्याकडे चिन्हही आहे.”“आत्ता सुनावणी कुठली सुरु आहे? हा जो निवडणूक आयोगाचा निर्णय आला त्याआधी १६ जणांना जे अपात्र ठरवण्यात आलं त्यांना हा निर्णय लागू होतो की नाही. त्याचेही अधिकार सर्वोच्च न्यायालयाने ओरिजनल पार्टी कुठली हे ठरवण्याचे अधिकार विधानसभा अध्यक्षांना दिले आहेत. आता नीलमताई या एकनाथ शिंदेंसह आल्या याला मी प्रवेश म्हणणार नाही. लौकिक अर्थाने समजावं म्हणून आपण काहीही म्हणू पण हा प्रवेश नाही. उलट मला वाटतं की जे उरलेले शिवसैनिक आहेत त्यांनाही ओरिजनल पॉलिटिकल पार्टीकडे आलं पाहिजे. अर्थात मी हे मेरिटवर बोलतो आहे. नाहीतर त्यांच्याबद्दलही प्रश्न निर्माण होणार आहे. ओरिजनल पॉलिटिकल पार्टी एकनाथ शिंदेकडेच आहेत. नीलम गोऱ्हे या कायदा मानणाऱ्या आहेत. त्यांना हे माहित आहे की आपण ज्या शिवसेना पक्षात निवडून आलो जो अर्ज आपण भरला होता तो शिवसेना पक्ष हा एकनाथ शिंदेंकडे निवडणूक आयोगाने दिली आहे.”
