नवी दिल्ली-छत्तीसगडमधील कोळसा खाण वाटपात झालेल्या घोटाळ्याप्रकरणी दिल्ली विशेष न्यायालयाने सर्व आरोपींना दोषी ठरवले आहे. या प्रकरणात माजी राज्यसभा खासदार विजय दर्डा आणि त्यांचा मुलगा देवेंद्र दर्डा यांच्यासह अधिकारी दोषी ठरले आहेत. या प्रकरणी 18 जुलै रोजी शिक्षा सुनावली जाणार असल्याचे कोर्टाने सांगितले आहे. दरम्यान, या प्रकरणी आम्ही सर्वोच्च न्यायालयात आव्हान दिल्याची प्रतिक्रिया विजय दर्डा यांनी दिली aahe .
दर्डा पिता पुत्रांबरोबरच या प्रकरणामध्ये माजी कोळसा सचिन एच.सी.गुप्ता, दोन वरिष्ठ अधिकारी के एस क्रोफा आणि के सी सामरिया तसेच, जेएलडी यवतमाळ एनर्जी प्रायव्हेट लिमिटेडचे संचालक मनोज कुमार जैस्वाल यांचाही दोषींमध्ये समावेश आहे. विशेष न्यायालयाने त्यांना आयपीसीच्या कलम 120ब, 420 आणि भ्रष्टाचार प्रतिबंधक कायद्याच्या इतर कलमांखाली दोषी ठरवले आहे.
विजय दर्डा यांनी, या प्रकरणी ते सर्वोच्च न्यायालयत आव्हान दिल्याची माहिती दिली. अजून निर्णyaaची कॉपी आम्हाला मिळालेली नाही. ती मिळाल्यानंतर वकील अभ्यास करतील आणि त्यानंतरच प्रतिक्रिया देता येईल. आताच यावर बोलणे घाईचे ठरेल, असेही दर्डा म्हणाले.
या घोटाळ्याप्रकरणी आधीच अनेक अधिकारी आणि राजकारण्यांशी संबंधित लोक तुरुंगात आहेत. तसेच इडीसारख्या संस्थांकडून या प्रकरणी अनेकांची चौकशीदेखील सुरू आहे. दिल्लीच्या विशेष न्यायालयाने सुनावलेल्या या निकालानंतर, आता भविष्यातही या प्रकरणी आणखी काही कारवाई होऊ शकतात, असा अंदाज वर्तवला जात आहे.
