दारूच्या नशेत छगन भुजबळांना दिली धमकी,महाड येथून तरुणाला अटक

पुणे-राष्ट्रवादी काँग्रेस पक्षाचे नेते आणि मंत्री छगन भुजबळयांना जीवे मारण्याची धमकी देण्यात आल्याचे समजते. त्यांच्या कार्यालयातील एका कार्यकर्त्यांच्या मोबाईलवर फोन करुन ही धमकी देण्यात आली. धमकी देणाऱ्याने भुजबळ यांना जीवे मारण्याची सुपारी मिळाल्याचे म्हटले. दरम्यान, धमकी देणाऱ्याला पुणे पोलिसांच्या गुन्हे शाखेने आणि कोरेगाव पार्क पोलिसांनी कोल्हापूर जिल्ह्यातील चंदगड येथील एकाला महाड (जि. रायगड) येथून अटक केली आहे.दरम्यान, संबंधित व्यक्तीने मद्यधुंद अवस्थेत धमकीचा फोन केल्याची प्राथमिक माहिती पोलिसांनी दिली.या पार्श्वभूमीवर आता छगन भुजबळ यांच्या सुरक्षेत वाढ करण्यात आली आहे

याबाबत माहिती अशी की. छगन भुजबळ सोमवारी पुण्यात) असताना त्यांच्या कार्यकर्त्याच्या मोबाईलवर फोन आला. फोन करणाऱ्या व्यक्तीने भुजबळांना जीवे मारण्याची सुपारी मिळाल्याचे सांगितले. धमकी देणाऱ्या व्यक्तीने स्वतःचे नाव प्रशांत पाटील असल्याचे सांगितले आहे. त्यानंतर भुजबळ यांच्या कार्यालयाकडून पुणे पोलिसांना तत्काळ या प्रकरणाची माहिती देण्यात आली. त्यानंतर पोलिसांनी तपास सुरू केला. मोबाईल नंबरच्या आधारे प्रशांत दशरथ पाटील (24, रा . चंदगड, कोल्हापूर) या व्यक्तीला रायगड जिल्ह्यातील महाड येथून अटक केले. ही कारवाई पुणे पोलिसांच्या गुन्हे शाखेने केली आहे. पोलिस आयुक्त रितेश कुमार, सह पोलिस आयुक्त संदीप कर्णिक, अप्पर आयुक्त रामनाथ पोकळे, झोन 2 च्या पोलीस उपायुक्त स्मार्तना पाटील, गुन्हे शाखेचे पोलिस उपायुक्त अमोल झेंडे आणि सहायक आयुक्त सुनील तांबे, सहायक आयुक्त सतीश गोवेकर यांच्या मार्गदर्शनाखाली गुन्हे शाखेच्या पोलिसांनी आणि कोरेगाव पार्क पोलिसांनी ही कारवाई केली आहे.