मनपा ब्रिजच्या खाली महिलेचा विनयभंग करणार्‍याला अटक

पुणे-शिवाजीनगर पोलिसांनी मनपा ब्रिजच्याखाली बावधन बस स्टॉपकडे पायी जाणार्‍या महिलेचा विनयभंग करणार्‍याला अटक केली आहे. लक्ष्मण तुकाराम घोडे (45, रा. रामनगर, वारजे माळवाडी, पुणे) असे अटक केलेल्याचे नाव आहे. याबाबत अधिक माहिती अशी की, दि. 2 जुलै 2023 रोजी शिवाजीनगर येथील मनपा ब्रिजच्या खालुन फिर्यादी महिला बावधन बस स्टॉपकडे पायी जात होत्या. त्यावेळी अंधारात खुडे चौकाकडुन मनपा ब्रिजच्या दिेशेने एकजण आला आणि तो फिर्यादीच्या अंगावर गेला. त्याने फिर्यादीच्या मनास लज्जा उत्पन्न होईल असे कृत्य करून त्यांचा विनयभंग केला. याप्रकरणी महिलेने शिवाजीनगर पोलिस ठाण्यात फिर्याद दिली होती. पोलिसांनी गुन्हा दाखल झाल्यादिवशी पासुन मनपा ब्रिजखाली रात्री 8 ते 12 वाजण्याच्या दरम्यान नजर ठेवली तसेच सीसीटीव्ही फुटेज तपासले. दरम्यान, पोलिसांना आरोपीबाबत माहिती मिळाली. त्यानंतर पोलिसांनी लक्ष्मण तुकाराम घोडे याला अटक केली. त्याच्याकडे सखोल चौकशी केली असता त्याने गुन्हयाची कबुली दिली आहे.

पोलिस आयुक्त रितेश कुमार , सह पोलिस आयुक्त संदीप कर्णिक ,अप्पर पोलिस आयुक्त प्रविणकुमार पाटील, पोलिस उपायुक्त संदीपसिंह गिल्ल सहाय्यक पोलिस आयुक्त वसंत कुंवर यांच्या मार्गदर्शनाखाली वरिष्ठ पोलिस निरीक्षक अरविंद माने, पोलिस निरीक्षक (गुन्हे) विक्रम गौड ,तपास पथकातील पोलिस उपनिरीक्षक प्रताप साळवे , महिला पोलिस उपनिरीक्षक मनिषा जाधव, पोलिस हवालदार रणजित फडतरे, बशीर सय्यद, रूपेश वाघमारे, आदेश चलवादी यांच्या पथकाने आरोपीला अटक केली.