पुणे: राष्ट्रवादी काँग्रेसचे नेते अजित पवार यांनी बंड करत शिंदे-फडणवीस सरकारमध्ये उपमुख्यमंत्रिपदाची शपथ घेतली . या शपथविधीनंतर अजित पवार आपले होमग्राउंड असलेल्या पुणे शहरात शनिवारी प्रथमच येणार होते. मात्र अजित पवार यांचा उद्याचा पुणे दौरा रद्द झाला आहे. ते उद्या मुख्यमंत्री एकनाथ शिंदे यांच्यासमवेत गडचिरोली येथे शासन आपल्या दारी या कार्यक्रमाला हजेरी लावणार असल्याने त्यांचा पुणे दौरा रद्द करण्यात आला आहे. अजित पवार यांना पुणे शहरातून मोठा पाठिंबा मिळाला आहे. शहरातील दोनपैकी वडगाव शेरी विधानसभा मतदारसंघाचे आमदार आमदार सुनिल टिंगरे यांनी अजित पवारांना पाठिंबा दिला आहे. तर बहुतांश पदाधिकारी आणि माजी नगरसेवकांनी देखील अजित पवारांना पाठिंबा देण्याचा निर्णय घेतला आहे. दुसरीकडे ५० पेक्षा जास्त नॉटरिचेबल असणारे नगरसेवक देखील अजित पवारांच्या उद्याच्या पुणे दौऱ्यानंतर आपली भूमिका स्पष्ट करणार असल्याचं बोललं जात होतं. तर, नवनिर्वाचित शहराध्यक्ष दीपक मानकर यांनी पुण्यात अजित पवारांच्या जोरदार स्वागत आणि शक्तिप्रदर्शनाची तयारी केली होती.
अजित पवारांचा पुणे दौरा रद्द
Date:

