पुणे- कात्रज घाटात शिवशाही बसमध्ये बिघाड झाल्याने बसमधील प्रवासी उन्हात उभे होते. यावेळी याच मार्गावरून जाणाऱ्या खासदार सुप्रिया सुळे यांनी यावेळी खासदार सुप्रिया सुळेंनी बसमध्ये अडकलेल्या महिला आणि लहान मुलांना लिफ्ट दिली.त्यांच्यासोबत त्यांचा मयूर होताच ,जाताना शेवटी म्हणाल्या बारामती मतदार संघात तुमचे स्वागत आहे…
एसटी महामंडळाच्या गाडीला फास्टटॅग नाही म्हणून जवळपास अर्धातास टोलनाक्यावर थांबचिण्यात आल्याची तक्रार प्रवाशांनी केली. तर दुसरीकडे एक तासापासून कात्रज घाटात गाडी खराब झाल्याने आम्ही इथे अडकल्याचे बसमधील महिलास प्रवाशी सांगत होते. यात सुप्रिया सुळे यांनी ज्यांच्याकडे लहान बाळ आहे, त्यांनी माझ्यागाडीत चला असे म्हणत तेथील महिलांना मदत केली आहे. भोरपर्यंत सुप्रिया सुळे यांनी या महिलांना लिफ्ट देत मदत केली आहे. सर्व प्रवाशांना खेड शिवापूर टोल नाका आणि अन्य सावली असलेल्या ठिकाणी पोहोचवले.
पुण्याहून सांगलीकडे निघालेली शिवशाही बस शिंदेवाडीजवळ बंद पडली होती. त्याबस मधील सर्व प्रवाशी महिला, मुले आणि ज्येष्ठ नागरिक सुद्धा उन्हाच्या काहिलीने हैराण होत बसजवळ उभे होते. भोर तालुका दौऱ्यावर निघालेला खासदार सुप्रिया सुळे यांचा ताफा त्याठिकाणी पोहोचला, त्यावेळी रस्त्यावर उभ्या प्रवाशांना पाहून सुळे यांनी गाड्या थांबवण्याची सूचना केली आणि स्वतः गाडीतून उतरून प्रवाशांची विचारपूस केली.
गाडी बंद पडल्याने ते सर्वजण थांबल्याचे कळताच सुळे यांनी तातडीने हालचाल करत काही प्रवाशांना स्वतःच्या गाडीत घेतले, काहींना कार्यकर्त्यांच्या गाडीत बसवून घेण्याच्या सूचना दिल्या. तर काही जणांना सांगली जिल्ह्यातील पेठ येथे निघालेल्या एसटीचे चालक एस. एस. कदम आणि वाहक आर. व्ही. सोनवणे यांच्या बसमध्ये बसवून घेतले. त्यानंतर काही वेळाने बंद पडलेली शिवशाही बस दुरुस्त होऊन पुढे आल्यानंतर तीत बसून सर्व प्रवाशी पुढील प्रवासासाठी रवाना झाले.
