मुंबई– श्री. रजनीश कर्नाटक यांची आघाडीची पीएसबी बँक ऑफ इंडियाच्या व्यवस्थापकीय संचालक आणि मुख्य कार्यकारी अधिकारी पदी नियुक्ती करण्यात आली आहे. श्री. रजनशी कर्नाटक यांच्याकडे २९ वर्षांचा प्रदीर्घ अनुभव आहे. २१ ऑक्टोबर २०२१ रोजी युनियन बँक ऑफ इंडियाचे कार्यकारी संचालक पद स्वीकारण्यापूर्वी ते पंजाब नॅशनल बँकेत प्रमुख व्यवस्थापक पदावर कार्यरत होते. ते वाणिज्य शाखेचे पोस्ट ग्रॅज्युएट (एम.कॉम) आहेत तसेच इंडियन इन्सिट्यूट ऑफ बँकर्सचे (सीएआयआयबी) सर्टिफाइड असोसिएट आहेत.
बँकिंग करियरमध्ये त्यांनी आतापर्यंत मोठ्या कॉर्पोरेट क्रेडिट शाखा आणि धोरणात्मक विभागांमध्ये काम केले असून त्यात ओरिएंटल बँक ऑफ कॉमर्समधील क्रेडिट मॉनिटरिंग, डिजिटल बँकिंग आणि मिड कॉर्पोरेट क्रेडिट विभागातील व्यवस्थापदावर काम केल्याचा समावेश आहे. ओरिएंटल बँक ऑफ कॉमर्सचे पंजाब नॅशनल बँकेत विलीनीकरण होण्यापूर्वी त्यांनी क्रेडिट मॉनिटरिंग विभागाचे प्रमुख पद भूषवले आहे तसेच पंजाब नॅशनल बँकेच्या कॉर्पोरेट क्रेडिट विभागाची जबाबदारीही सांभाळली आहे. त्यांना प्रकल्पासाठी निधी उभारणी आणि जोखीम व्यवस्थापनासह वर्किंग भांडवल निधी उभारणी विभागाचा तसेच क्रेडिट रिस्कवर जास्त भर देणाऱ्या कामाचा दीर्घ अनुभव आहे.
त्यांनी आयआयएम- कोझीकोड आणि जेएनआयडीबी हैद्राबाद येथून लीडरशीप डेव्हलपमेंट प्रोग्रॅम आणि प्रशिक्षण केले आहे तसेच ते आयएमआय (इंटरनॅशनल मॅनेजमेंट इन्स्टिट्यूट) दिल्ली येथून अडव्हान्स मॅनेजमेंट प्रोग्रॅममध्ये सहभागी झाले होते. ते एफएसआयबीने (पूर्वीचे बीबीबी) आयआयएम बेंगळुरू आणि इगॉन झेंडरसाठी निवडलेल्या वरिष्ठ अधिकाऱ्यांच्या पहिल्या बॅचचाही भाग होते.
श्री. कर्नाटक यांनी युनियन बँक ऑफ इंडियाच्या वतीने युबीआय सर्व्हिसेस लि. मध्ये नॉन- एक्झक्युटिव्ह अध्यक्षपदी काम केले आहे. त्याशिवाय त्यांनी युबीआय (युके) लिमिटेडच्या नॉन- इंडिपेंडंट नॉन- एक्झक्युटिव्ह संचालक पदावर काम केले आहे. ते इंडियन इन्स्टिट्यूट ऑफ बँक मॅनेजमेंटच्या (आयआयबीएम) गुवाहाटी गर्व्हनिंग बोर्डाचेही सदस्य होते. त्यांनी पंजाब नॅशनल बँकेच्या वतीने पीएनबी हाउसिंग फायनान्स लि. च्या संचालक मंडळावर नॉमिनी संचालक पदावर आणि इंडिया एसएमई असेट रिकन्स्ट्रक्शन कंपनी लिमिटेडमध्ये काम केलं आहे. त्यानीं आयएएमसीएलमध्ये (आयआयएफसीएल असेट मॅनेजमेंट कं.लि.) संचालक मंडळाचे विश्वस्तपद भूषवले आहे.
