पुणे- ऑल इंडिया मुस्लिम ओ. बी. सी. ऑर्गनायझेशन व पुणे शहर मुस्लिम समाज बांधवांच्यावतीने जम्मू-काश्मीरमधील पुलवामा इथं झालेल्या दहशतवादी हल्ल्याच्या निषेधार्थ पुणे लष्कर भागात महात्मा गांधी रोडवरील गुरु वजीर भगत संघेलिया चौक ते डॉ. बाबासाहेब आंबेडकर पुतळ्यापर्यंत निषेध मोर्चा काढण्यात आला. या निषेध मोर्चामध्ये मुस्लिम समाजामधील सिया पंथीय , मुस्लिम इराणी , मुस्लिम बलुची , तबलिक जमात बांधव व मोठ्या संख्येने युवक सहभागी झाले होते .
या मोर्चामध्ये मुस्लिम बांधवानी काळ्या फिती बांधल्या होत्या . तसेच , पाकिस्तान मुर्दाबाद ,दहशतवाद मुर्दाबादच्या घोषणा देण्यात आल्या . इस्लाम धर्म कोणत्याही दहशतवादाला समर्थन करत नाही हे दाखविण्याकरिता समस्त मुस्लिम समाज दशतवादाच्या विरोधात रस्त्यावर उतरून आक्रोश व्यक्त केला . या हल्ल्यामधील शहीद झालेल्या जवानांच्या कुटुंबियांना आर्थिक मदत देण्यासाठी मुस्लिम समाज मस्जिद मधून आर्थिक निधी गोळा करणार आहे . हा निधी शहीद जवानांच्या कुटुंबियांना देणार आहेत , अशी माहिती ऑल इंडिया मुस्लिम ओ. बी. सी. ऑर्गनायझेशनचे अध्यक्ष इकबाल अन्सारी यांनी दिली
या निषेध मोर्चामध्ये खासदार संजय काकडे ,इकबाल अन्सारी , जावेद खान , अमीन शेख , मुस्ताक अलबुशरा , माजी नगरसेवक मंजूर शेख ,बाप्पुसाहेब भोसले , भारत कांबळे , माजी नगरसेवक मंजूर शेख ,अमानुल्ला खान , मुस्ताक पटेल , हाजी उस्मान तांबोळी , अफसर कुरेशी , हाजी नदाफ , सादिक कुरेशी,वाहिद बियाबानी , अतिक रियाझ खान , रियाझ काझी , सालेम खान , आयमान दरबार ,मतीन मुजावर, अली इनामदार , रफीउद्दीन शेख , मुन्नावर कुरेशी , नईम शेख , शेर अली शेख , अबूशेठ तांबे , सय्यद मुनीर मिर्झा , रिझवान सय्यद , वस्ताद अफझल शेख , बशीर शेख , जावेद शेख , शाहरुख मिर्झा बेग ,फुरकान शेख , अझहर शेख , मुझफर शेख , अबिद शेख , मज्जू शेख , धनंजय उरुड व मोठ्या संख्येने मुस्लिम बांधव सहभागी झाले होते .
यावेळी डॉ. बाबासाहेब आंबेडकर चौकात पाकिस्तानच्या ध्वजाचे दहन करून हल्ल्याचा निषेध करण्यात आला . पाकिस्तानविरोधात घोषणा देण्यात आल्या . या निषेध रॅलीचा समारोप राष्ट्रगीताने करण्यात आली .
