पुणे : दोन वर्षापूर्वी भाजपकडून कसब्याचा बालेकिल्ला कॉंग्रेसने काढून घेऊन हस्तगत केला होता . तेव्हा धंगेकर यांच्या रूपाने कसब्यावर कॉंग्रेसचा झेंडा फडकला . त्यामागे अनेकांचे मोठे योगदान होते त्या नावात आघाडीवर असणारे नाव होते दीपक मानकर यांचे .. त्यानंतर रमेश बागवे , बाळासाहेब दाभेकर अशी अनेक नावे होती जी तेव्हा धंगेकर यांच्या पाठीशी होती आणि या ताकदीमुळे भाजपने वर्षानुवर्षे कसब्याचा बालेकिल्ला ढासळला तेव्हा हेमंत रासने यांचा पराभव झाला आणि कॉंग्रेसचे धंगेकर विजयी झाले.राजकीय इतिहासात हा बालेकिल्ला कॉंग्रेसने मिळविल्याची हि नोंद राहील. पण दरम्यानच्या काळात परिस्थिती बदलली अजित पवार हे शरद पवारांपासून अलिप्त झाले आणि अजित पवारांच्या समवेत दीपक मानकर राहिले .आणि त्यांच्या समवेत ते भाजपा सेनेच्या महायुतीत सहभागी झाले. कसब्याचा बालेकिल्ला पुन्हा भाजपला तात्काळ त्याच पराभूत उमेदवाराच्या चेहऱ्याने मिळवून देण्यात अजित पवार गटाची अर्थात या गटाचे शहर अध्यक्ष असलेले दीपक मानकर यांची महत्वाची भूमिका राहिली आहे. विधान परिषदेच्या नेमणुकांच्या वरून मानकर नाराज होते पण अजित दादांनी त्यांच्याशी चर्चा केली आणि पुढच्या खेपेला नाकी तुमच्या कामाचे योगदानाचे चीज करण्याचा सर्वप्रथम प्रयत्न करेल असे आश्वासन दिले .यंदाच्या विधानसभेला काही प्रमाणात धंगेकर पुन्हा एकदा निवडून येतील असं म्हटलं जाऊ लागले होतं, पण त्याची परवा न करता मानकर यांनी कसब्या बरोबर सर्वच मतदार संघातून महायुतीला ताकद द्यायचे काम सुरु ठेवले. मिटिंग , सभा , बैठका, प्रचार फेऱ्या यांच्या आयोजनाबरोबर जिथे आपण कमी आहोत तिथे जास्त लक्ष देण्यासाठी विशेष श्रम घेतले आणि व्हायचे ते झाले कसबा विधानसभेचा प्रचार अंतिम टप्प्यात असताना रविंद्र धंगेकरांनी राष्ट्रवादीचे शहराध्यक्ष दीपक मानकर आणि त्यांच्या कुटुंबावर वैयक्तिक टीकाटिप्पणी केली, इथेच धंगेकर जाळ्यात फसले, आणि निवडणुकीची दिशा स्पष्ट झाली .पक्ष पातळीवर असणारी निवडणूक वैयक्तिक पातळीवर गेल्याने कसब्यात मोठ्या संख्येने असणाऱ्या मानकर समर्थकांनी त्यास उत्तर म्हणून हेमंत रासने यांच्या समर्थनार्थ मोहीम सुरू केली .भाजपचे शहर सरचिटणीस राघवेंद्र बाप्पू मानकर यांनी रवींद्र धंगेकर यांचे नाव टाळून सोशल मीडियावरून दिलेल्या इशाऱ्याने मानकर समर्थकांत हवा तो संदेश गेला आणि आधीच महायुती म्हणून एकत्र असलेला मानकर गट अधिक कार्यरत झाला.शेवटच्या टप्प्यात बाप्पू मानकरांनी आपली वेगळी यंत्रणा कार्यरत करत गेल्या वेळी अपेक्षित मताधिक्य न मिळालेल्या सदाशिव पेठ, नारायण पेठ परिसर येथे ताकद लावली आणि हेमंत रासने यांच्या विजयात मोठा वाटा उचलला. दीपक मानकर यांचा कसब्यात असलेला समर्थक आणि बाप्पू मानकर यांची प्रचार यंत्रणा यामुळे हेमंत रासनेंच लीड अधिकच वाढले असल्याचे मतदानाच्या आकडेवारीत दिसून आले
विधानसभा निवडणुकीमध्ये त्सुमानी आल्याचं पाहायला मिळाला. महायुतीने २०० पेक्षा जास्त जिंकत निर्विवाद बहुमत मिळविले . तर पुण्यामध्ये महाविकास आघाडीला मोठा धक्का बसल्याचं पाहायला मिळालं. पुण्यातील सर्वांचं लक्ष लागून असलेल्या कसबा पेठ मतदारसंघातही काँग्रेसचे उमेदवार रवींद्र धंगेकर यांना पराभवाचा सामना करावा लागला. रवींद्र धंगेकरांचा पराभव करून भाजप उमेदवार हेमंत रासने यांनी १९ हजारांचे मताधिक्य घेत विजय मिळवला.. कसबामध्ये मानकर समर्थकांनी केलेल्या प्रचाराची जोरदार चर्चा रंगली आहे. धंगेकर यांना निवडणुकीआधी धंगेकर यांनी मानकर यांच्याबाबत केलेल्या एका वक्तव्याचा मोठा फटका बसल्याचं बोललं जात आहे.
