पुणे-निवडणुकीतील गुन्हेगारीला तातडीने पायबंद घाला अशी मागणी राष्ट्रवादीचे प्रवक्ते अंकुश काकडे यांनी पोलीस आयुक्तांकडे केली आहे.
या संदर्भात काकडे म्हणाले,’ आज पुणे शहरात वडगाव शेरी मतदार संघातील माजी नगरसेविका सुरेखा टिंगरे यांचे पती चंद्रकांत टिंगरे यांच्या गाडीवर धानोरी येथे ४ अज्ञात इसमाने हल्ला केला त्यात श्री चंद्रकांत टिंगरे अतिशय गंभीर जखमी झाले असून त्यांना जहांगीर हॉस्पिटलमध्ये दाखल केले आहे. पोलीस त्या ठिकाणी तक्रार घेण्यामध्ये चाल ढकलपणा करीत आहेत. तसेच पर्वती मतदारसंघांमध्ये बिबेवेवाडी परिसरामध्ये भारतीय जनता पक्षाचे कार्यकर्ते उघड उघड पैशाचे वाटप करीत आहेत. तेथील उमेदवार अश्विनी कदम यांनी संबंधितांविरोधात बिबवेवाडी पोलीस स्टेशनमध्ये तक्रार दाखल केली पण त्यावर ही कारवाई केली जात नाही. अशाच प्रकारच्या घटना इतर मतदारसंघांमध्ये पोलीस खात्याकडून नोटीसा दिल्यात कार्यकर्त्यांना नोटीस दिले जात आहेत. या संदर्भात महाविकास आघाडीचे शिष्टमंडळ सौ वंदना चव्हाण,श्री अरविंद शिंदे, श्री अंकुश काकडे श्री संजय मोरे, श्री बापूसाहेब पठारे, सौ अश्विनी कदम,सौ रेखा टिंगरे यांनी पोलीस आयुक्तांची भेट घेऊन याबाबत त्वरित कडक कारवाई करावी,अशी मागणी केली. उद्या मतदान संपेपर्यंत सर्व मतदारसंघांमध्ये कडक बंदोबस्त ठेवण्यात यावा अशी मागणी केली.
