सोनी एन्टरटेन्मेंट टेलिव्हिजनवर…
13 वर्षे पूर्ण करत सोनी एन्टरटेन्मेंट टेलिव्हिजन (SET) आपल्या ‘बडे अच्छे लगते हैं’ या प्रमुख आणि अत्यंत लोकप्रिय झालेल्या मालिकेचे पुनर्प्रसारण 11 नोव्हेंबरपासून सुरू करत आहे. दर सोमवार ते शुक्रवार रात्री 8.30 वाजता ही मालिका प्रसारित करण्यात येईल. वास्तववादी कथानक आणि त्यातील चार-चौघांसारख्या व्यक्तिरेखा यांच्या बळावर भारतीय टेलिव्हिजनवर क्रांती घडवणारी ही मालिका आता पुन्हा प्रेक्षकांचे मन काबिज करण्यासाठी येत आहे.
2011 मध्ये ‘बडे अच्छे लगते हैं’ ही मालिका सुरू झाली होती. त्यावेळी त्यातील प्रेम, कुटुंब आणि नाती यांच्या बारकाईने केलेल्या चित्रणामुळे ती अत्यंत लोकप्रिय झाली होती. या मालिकेत प्रिया या नायिकेची भूमिका करणारी साक्षी तंवर मालिकेच्या पुनर्प्रसारणाबद्दल बोलताना म्हणाली, “बडे अच्छे लगते हैं एक खास अनुभव होता, जो आजही आपलासा वाटतो. या मालिकेच्या पुनरागमनामुळे नवीन प्रेक्षक देखील या प्रवासाचा अनुभव घेऊ शकतील याचा मला आनंद वाटत आहे. ही मालिका 13 वर्षांनंतर पुन्हा प्रसारित होत आहे हा त्या मालिकेच्या लोकप्रियतेचा आणि मालिकेने केलेल्या चिरकाल प्रभावाचा पुरावा आहे. मालिकेच्या पुनर्प्रसारणाविषयी समजल्यावर जुन्या आठवणी माझ्या मनात दाटून आल्या आहेत आणि मी भावुक झाले आहे. एकता आणि राम यांच्याबरोबर केलेले काम मला आठवले. आपल्या हृदयात ही कहाणी जिवंत ठेवणाऱ्या प्रेक्षकांची मी ऋणी आहे.”
या मालिकेचा प्रभाव अभूतपूर्व होता. मालिका घराघरात पोहोचली होती आणि भारतीय टेलिव्हिजनवर या मालिकेने एक मापदंड स्थापित केला होता. मालिकेच्या पुनरागमनाने राम आणि प्रियाच्या कालातीत प्रेम कहाणीची जादू पुन्हा पडद्यावर पासरणार आहे.
बघा, बडे अच्छे लगते हैं सोनी एन्टरटेन्मेंट टेलिव्हिजनवर 11 नोव्हेंबरपासून दर सोमवार ते शुक्रवार रात्री 8.30 वाजता पाहायला मिळणार आहे
