खडकवासला विधानसभा निवडणुकीत वारजे क्षेत्रीय कार्यालयाचे अहोरात्र योगदान

पुणे:खडकवासला विधानसभा मतदारसंघाच्या निवडणुकीसाठी अत्यंत तत्परतेने नियोजन आणि अंमलबजावणीचे काम सुरू आहे. या निवडणुकीत निवडणूक निर्णय अधिकारी म्हणून डॉ. यशवंत माने यांनी नेतृत्व स्वीकारले आहे, आणि त्यांच्या मार्गदर्शनाखाली निवडणूक प्रक्रियेचे सर्व तपशीलवार नियोजन सुरु आहे. या कामात मनपा वारजे क्षेत्रीय कार्यालयाचे सह. आयुक्त विजय नायकल, मंडळ अधिकारी प्रमोद भांड, आणि अधीक्षक विजय शिंदे यांचे मोलाचे सहकार्य लाभले आहे.
वारजे क्षेत्रीय कार्यालयाचे कर्मचारी आणि अधिकारी दिवसरात्र मेहनत करत असून, मतदान प्रक्रियेसाठी आवश्यक कर्मचाऱ्यांना नियोजनानुसार नेमून त्यांना योग्य त्या सूचना देण्याचे काम हे अधिकारी करीत आहेत. या प्रक्रियेत नितीन पायगुडे, दत्तात्रय दुधाने, अजिंक्य खिरीड, विक्रांत पोकळे, प्रदीप शेलार, विशाल वरघडे, उमेश धावडे, योगेश गायकवाड, आणि वासुदेव दोडके हे कर्मचारी महत्त्वाची भूमिका बजावत आहेत. निवडणूक यंत्रणेची सतत देखरेख, मतदारांच्या तक्रारींचे निराकरण, मतदानाच्या तयारीचे नियोजन, आणि आवश्यक कर्मचाऱ्यांचे नियोजन या सर्व कामांचा आढावा घेण्याचे जबाबदारी या विभागातील कर्मचारी आणि अधिकारी घेत आहेत.
निवडणूक प्रक्रियेत त्वरित निर्णय घेण्याचे आणि विविध विभागातील समन्वय साधण्याचे आव्हान स्वीकारताना अधिकारी आणि कर्मचारी वर्ग अथक मेहनत घेत आहेत. गैरहजर किंवा अनुपस्थित राहणाऱ्या कर्मचाऱ्यांवर तत्काळ कार्यवाही करण्याचे आदेशही देण्यात आले आहेत. डॉ. यशवंत माने यांच्या नेतृत्वाखाली निवडणूक प्रक्रियेला यशस्वी करण्यासाठी एकात्मिक पद्धतीने कार्य केले जात आहे. सर्व निवडणूक कर्मचाऱ्यांचे नियोजन व त्यांना आवश्यक त्या सूचना देण्याचे काम करण्यात येत आहे.
खडकवासला विधानसभा निवडणुकीत वारजे क्षेत्रीय कार्यालयातील या कर्मचाऱ्यांनी रात्रीचा दिवस करून काम करत निवडणुकीची तयारी पूर्ण केली आहे. या कार्यात मनपा क्षेत्रीय कार्यालयाचे कर्मचारी अहोरात्र काम करीत असून त्यांचा वेळेवर केलेला समर्पणशील सहभाग निवडणुकीच्या यशस्वी आयोजनासाठी महत्वपूर्ण ठरत आहे.