आमदार धंगेकर यांच्यासाठी चक्रव्यूह तयार पण भाजपचा उमेदवार ठरेना

पुणे- कसबा विधानसभा मतदार संघ गिरीश बापट कमजोर झाल्यावर कॉंग्रेसने लीलया मिळविला आणि तो ज्या रवींद्र धंगेकर यांनी मिळवून दिला त्या विद्यमान आमदार रवींद्र धंगेकर यांची आता या विधानसभा निवडणुकीत कोंडी करण्याचे प्रयत्नही सफल होताना दिसत आहेत . कॉंग्रेसमधील गटबाजीने अगोदर धंगेकर अडचणीत येण्याची शक्यता वर्तविली गेली त्यानंतर माजीं महापौर कमल व्यवहारे यांनी बंडखोरीची तलवार उपसली आणि आता मनसेची उमेदवारी गणेश भोकरे यांना देण्यात आली आहे. या सर्व पार्श्वभूमीवर आता भाजपा ला सरळ सरळ कॉंग्रेस शी लढत देण्याची आव्श्यक्यात उरली आहे काय ? असा प्रश्न उपस्थित होत असला तरीही भाजपकडे तगडा उमेदवार नाही काय ? असाही सवाल केला जातो आहे. धीरज घाटे आणि हेमंत रासने या दोहोंनी कसबा मतदार संघातून उमेदवारी मागितली आहे .कॉंग्रेसने रवींद्र धंगेकर यांनाच रिंगणात उतरविले आहे . पण गेल्यावेलेची निवडणूक आणि आताची निवडणूक यात बरेच अंतर पडल्याचे जाणवते आहे. या सर्व पातळीवर भाजपा आणि धंगेकर अशी लढत असली तरी धंगेकर यांना घायाळ करणारी आयुधे अगोदरच तैनात करून नंतर सेनापती रिंगणात उतरविण्याची भाजपची रणनीती दिसते आहे. या सर्व रणनीतीला धंगेकर पुरून उरणार कि … कसे ? हे आता काही दिवसानंतरच समजणार आहे.