संजय राऊत-अमित शहा भेट/ बागवे -फडणवीस भेट अफवांचे षडयंत्र

पुणे- मुंबई पुण्यात भाजपाविरोधी शिवसेना आणि कॉंग्रेस च्या एकनिष्ठ नेत्यांच्याबद्दल अफवा उठविणारे बातम्यांचे षड यंत्र पसरविले गेल्याचे समोर आले आहे. पुण्यातून तर भाजपच्या नेत्यांची सुपारी घेऊन काही नेते कॉंग्रेसची हानी करत असल्याचा आरोप आता होत असल्याची माहिती सूत्रांनी दिली तर मुंबईतील संजय राऊत आणि अमित शहा भेटीच्या अफवा आणि बातम्यांच्या विषयी मोठा संशय व्यक्त केला जातोय .खासदार संजय राऊत व केंद्रीय गृहमंत्री अमित शहा यांची भेट झाल्याची अफवा राजकीय वर्तुळात पसरली होती. तसेच, काँग्रेस आणि उद्धव ठाकरे यांचा पक्ष स्वबळावर लढणार असल्याचे वृत्त पसरले होते. यामुळे काहीवेळ राज्यातील राजकारण तापले होते. परंतु हे पेल्यातील वादळ ठरले. ‘अशी कोणतीही भेट झालेली नसल्याचा’ खुलासा करून खासदार संजय राऊत यांनी दुपारी या बातमीतील हवा काढून टाकली. तसेच, नाना पटोले व विजय वडेट्टीवार यांनीही या बातम्या भाजपने पेरल्याचा आरोप केला.तसेच पुण्यात देखील कॉंग्रेसचे निवडून येण्याची सर्वाधिक शक्यता असलेले आणि जुने ज्येष्ठ नेते माजी मंत्री रमेश बागवे आणि त्यांचे बहुचर्चित आक्रमक माजी नगरसेवक पुत्र अविनाश बागवे यांनी फडणवीसांची भेट घेतल्याचे वृत्त पसरविण्यात आले होते . मात्र तत्काळ या वृत्ताचे खंडन करत बागवे यांनी या अफवेचा आपल्या खास भाषेत समाचार घेतल्याने या अफवेला देखील पायबंद बसला .