पुणे- भाजपचे निष्ठावंत आणि आक्रमक नेते म्हणून गणना होत असलेले पुण्यातील श्रीनाथ भिमाले यांनी आपल्या वरिष्ठ नेत्यांच्या बाबत दाखविलेला विश्वास … आज फोल ठरल्याचे स्पष्ट झाले. पर्वती विधानसभा मतदार संघातून भिमाले यांनी दंड थोपटले होते आणि त्यांच्या प्रबळ आत्म विश्वासामुळे त्यांच्या मागे कोणी बडा नेता असल्याचे अनेकांना वाटू लागले होते . परंतु आज विद्यमान आमदार माधुरी मिसाळ यांना पक्षाने चौथ्या वेळी देखील पक्षाच्या वतीने उमेदवारी देऊन लढण्याची संधी दिली आणि भिमालेना संधी नाकारली .यामुळे ,रिक्षावाले, मोल मजुरी करणारे , मध्यमवर्गीय तसेच व्यापारी अशा विविध स्तरावर मतदार संघात पूर्णतः पोहोचलेले भिमाले आता काय करणार ? असा प्रश्न उभा राहिला आहे. त्यांनी मी रडणारा नाही तर लढणारा कार्यकर्ता आहे असे सांगून … कार्यकर्ते आणि नागरिक यांच्याशी बोलून निर्णय घेण्यासाठी २ दिवसांचा अवधी ठेवला आहे त्यानंतर ते आपली भूमिका स्पष्ट करणार आहेत .
मी रडणारा नाही लढणारा कार्यकर्ता – उमेदवारी नाकारल्यावरही भिमालेंचा तोच पवित्रा ?
Date:

